|
مــن كــان لا يـجـرح ولاهــو بـيـداوي |
قلـه تـرى مالـه مـكـان مــع الـنـاس |
ومـن لا يميـز كــل شــيء متـسـاوي |
تصبـح حيـاتـه ضايـعـه مالـهـا ســاس |
ومن لا عرف فـي خوتـه مـن يخـاوي |
ينـدم وتالـي الوقـت يبشـر بـالافـلاس |
ومـن لا يسـر نفسـه فلاهـوب قــاوي |
يـســر غـيــره لـــو الاريـــاق يـبــاس |
ولا عـاش بالحيـلات مـن هـو حـيـاوي |
درب الحيـالـه والـصـقـاره لـلادنــاس |
مـا سـرت صفـوف الرجـال المنـاوي |
ولا يدري الحـر المعـرب علـى اليـاس |
وانـا الـذي مانـي علـى النـاس غـاوي |
فيهم ذهب فيهـم بعـد فضـه وإنحـاس |
فـــرق وتـفــاوت بيـنـهـم بالـهـقـاوي |
في الناس مطنوخ وفي الناس لا باس |
أحـد علـى ربعـه كمـا النـجـم ضــاوي |
المرجلـه ثـوب لــه إقـيـاس وإلـبـاس |
مـن صغـر سـنـه للمـراجـل شـقـاوي |
ربعـه مـن أسبابـه تنومـس تنـومـاس |
وش هالمصـيـبـه ألا وش هـالـبــلاوي |
لا قيـل وجـه البـوم يـا طيـر قـرنـاس |
صـار التبـع متـبـوع والشـيـخ شــاوي |
تسـبـقـه حـــراس وتتـبـعـه حـــراس |
وإليـا حكـى تسمـع إصـيـاح وعــزاوي |
ام،ا الوضـع مقـلـوب مـالـه امــداوي |
او وقتنـا هـذا لــه أشـكـال وأجـنـاس |
فأحسن لي أجلس في مكاني خـلاوي |
ولا أماشـي إللـي خوتـه تنـزل الـراس |
والله مـا هيـن النفـس ولانــي بـنـاوي |
رزقـي وعمـري كافلـه خالـق النـاس |
<font color"#00008B"> |
</font> |
|
قـــصـــيــــــــدهـ 
العرض العادي
