الشاعر/سالم بن علي بن فهدالمصلح الدهيمي الحربي(رحمه الله)حمام هاضني

حمام هاضني بصوت يغني

يشوق القلب بفنون عجيبه

حمام الدوح خلاني اوني

صويب الحب واجروحي عطيبه

رعاك الله ليتك رحت عني

تعرضت للتهالك والمصيبه

رماح الحب دايم تطعنني

وجفني ماهتنى بلذات طيبه

غزال الريم شوفه يعجبني

يقودالصيدفي ارياض عشيبه

وغيره في الملاماحداشحني

عليه ادموع عيني سكيبه

وطول الليل عيوني يسهرني

الين النجم ينحي في مغيبه

خياله ماخبر يغيب عني

تزول لي بحسن زينه وطيبه

حسبت لي حسبة وخلفت ضني

وخوان العهد ربي حسيبه

نصحت القلب قلت له يرجهني

وخل راعي الجفا لاتعتني به

يقول كف العذل لاتمتحني

اشوف فرقاه من عندي صعيبه

اقباله يجلي الهموم مني

كما القنديل نوره ينسري به

وبدع القاف ماهو يعسرني

تيسرلي طروقه وابتدي به

الشاعر/سالم بن علي بن فهدالمصلح الدهيمي
العلوي الحربي يرحمه الله

الله يرحمه
قصيدة وافيه
لاهان من نقلها هنا

شكرا لك اخي العزيز وتقبل مني عظيم امتناني وفائق احترامي وتقديري ودمتم في حفظ الله