قصيدة الشاعر عبدالكريم البدراني : في الشيخ منيف الوسوس

قصيده لشاعر الكبير
عبدالكريم البدراني مهداه
لشيخ /منيف بن جازي الوسوس الفريدي

راكب اللي لا عطاء الدرب والسايق عطاه=ماتفرق نقطة الانطلاق من الوصول
جيب لكزز كل مامر شد الانتباه=مايهمه في طريقه طلوع ولانزول
صمموه اللي مع الوقت علوا مستواه=اليهود اللي ماتعرف حصان ولاذلول
والعلامه ركبوها بوجهه وبقفاه=مثل سلسال الذهب في طرف عنق البتول
حركه ياسايقه لين ياصل منتهاه=ولايوقف غير في بيت زحل من الزحول
شيد لروس النشاما ومرفوعن قراه=بالعلوم الغانمه والمكارم والاصول
عند وضحن راعي الصنف تمكن في حشاه=كلبوها طيبه من فحلها لرحول
ماعسرها عن هواها وتمشي في هواه=جعل داراً تحتويها تساقيها السيول
ابن جازي حي ذكره وطاريه ونباه=اشهد انه يفعل الطيب ويقول ويطول
عزه الله واعتنابه ومن جاهه عطاه=وحط له بين الرياجيل مقدار وقبول
كل ماقيل ونعم قيل مافيها اشتباه=اشهد انها مع هل الطيب شاملته شمول
اهتوى درب المراجل وحقق مبتغاه=ومن رقى في قمة الطيب مايرضى النزول
يعتزون بطيب راسه ربوعه واصدقاه=ويحتمون بطيب جاهه مدورت الحلول
يا منيف انا اشهد انك من دهاة الدهاه= واشهد انك ترفع الراس ياذرب الفعول
الله انه يرحم العود ويطيب ثراه=جازي اللي طيب راسه يشوّش بالعقول
واشهد انه يوم وصاك جودت الوصاه=واشهد انك عند ضنه عسى عمرك يطول