من اولاد راشد كاسبين الغنيمه

هذي قصيدة علي محيميد ابوخيف في الشاب /غلاب خليف بن مرغاء الفريدي
والقصة مشهوره جداُ

الطيب يمشي مع هله كل الاوقات=بيض السجايا بين اهلها مقيمه
في صفحت التاريخ ضفنا بطولات =على الكبار المعجزات القديمه
ضفنا عليهن مثلهن فعل وثبات=ماتعقل اللي ماعليها وسيمه
على يدين النادرين القداوات=اللي مواقفهم صعاب وعضيمه
غلاب في وقت الدرك فك الازمات=عن اعزل ن تصرخ بجنبه حريمه
خاطر بروحه ماحسب للخسارات=من اولاد راشد كاسبين الغنيمه
وابن نويصرواجه الموت مرات=ضحا ببعض اعضاه فزعه وشيمه
ترقابهم حرب الدول للمجرات =مجد ن جديده يتصل مع قديمه
لومات راع الطيب طاريه مامات=بين القبايل سمعته مستديمه
علي محيميد ابوخيف

اسعد الله صباحك يابو صالح
اشكرك على اضافة القصيدة وربعنا يستاهلون
تنويه الشطر اللي على العنوان فيه خطا املائي
كاسبين الغنيمة وليس الغنية
امل تعديله ولك جزيل الشكر

نعم يستاهلوووووون الطيب
لاهنت تم تعديل العنوان
شكراً لك وشكراً لمرورك العطر