الشاعر/ صالح عبيد البشري في الدكتور محمد ناصر الوسوس

قصيدة مهداه الى الدكتور الرائد/ محمد بن ناصر الوسوس
بمناسبة حصوله على شهادة الدكتوراه من جامعة (اوتارا بماليزيا)
اليكم قصيدة الشاعر/ صالح عبيد البشري

بإسم الذي يعلم الخافي وريب المنون=عالم نوايا العباد وكاشف غيبها
الواحد الفرد وأمره بين كافٍ ونون= خاينة الأعين يشاهدها ويدري بها
ما أرجى ولأخشى سواه بكل حال يكون=وإله الشكر والثناء قدام لاأبدي بها
بيتين من خاطرٍ منساق لوتسمحون=بإسم الوفاء والنقاء عذبه مشاريبها
دونتها بإسم من الطيب وجهه وزبون=وفعوله النايفه تبقى وأساليبها
لـ محمد اشهد وغيري فيه من يشهدون=وتشهد فعول لأبو ناصر نماري بها
والعلم رفعه ونور اللي منه ينهلون= يوم الجهل ليل والظلمه ينادي بها
مبروك وكفيت اهل شر الحسد وأهل العيون= مثلك وشرواك حصلها ويحري بها
والطيب وهبه ولايدركه تباع هون=تدركة يمناً تمد ولاتحسب طيبها
له قمة دونها ياكثر من يقصرون= راع الردى لو هقا ماهو معدي بها
وطيب التصنع بحزات الملازيم دون=وطيب السجايا هله تعرف مجاذيبها
كم واحدٍ في هوى نفسه يعيش مغبون=والناس مهما حصل تدرك مطاليبها
الناس ماهي سوا بعقولها والظنون=وفيه اختلاف بموقفها وتجريبها
ولا كل واحد على المكنون جايز يمون= الطيب اللي ليا جاته يهلي بها
والمعذره والتقى هو خير مايجمعون= والله يجازي هل المعروف ويثيبها

الشاعر/ صالح عبيد البشري

صح لسان الشاعر

صالح عبيد البشرى على القصيده الجزله

وفى وكفى ويستاهل الرائد الدكتور محمد ناصر الوسوس

شكراً ابو صالح على الاضافه لاهنت