تحوش الوفاء والطيب منته مخلن سور

قصيده لشاعر عوض ناصر الفريدي
يمدح فيها فهد بن راشد المقطع ( يستاهل ابو راشد )

الا يابن راشد والله انك طويل شبور=وترا طيب مثلك يافهد عز لربوعه
تحوش الوفاء والطيب منته مخلن سور=تقل طمعتن عندك عن الناس مطموعه
انا يوم اغني يا المقطع وانا مسرور=لحيث المدايح فيك ماهي بمصنوعه
شهاة وفياً عادته مايغط النور=ولا يمدح إلا واحداً طايلاً بوعه
اقوله وانا ماني موصى ولا مجبور=لاكن الوفاء والطيب ماتطفي شموعه
تراني ما ابالغ وانت صقرٍ وريث صقور=وانا كلمتي عند الرياجيل مسموعه
معادن ذهب يوم الذهب مايعرف يبور=ترى ابوك قبلك بالعرب ذايعاً شوعه
افاخر بربعي واتفاخر والله فخور=عسى شجرة الوافين ماهي بمقطوعه