ماينمحي مجدن مواريثه اشبال=كن ها نبت قفرن على اول حياها
بمناسبة حفل تكريم الملازم أول ماجد بن حيا الفريدي
يقول ابن عبلان عذبات الامثال=مثايله لاهل المعزه نقاها
يامرحبا مضمونها قدر وجلال=تضفي على كل الحضور بشذاها
ماينمحي مجدن مواريثه اشبال=كن ها نبت قفرن على اول حياها
يالابتي مجدك من أجيال لجيال=مثل النجوم اللي تناوب ضياها
واللي لقاله مع هل المجد مدخال=والمملكه يمناه ترفع لواها
لا سيق من دلة هل الجود فنجال=شرواك ياماجد بكفه خذاها
رتبه لها هيبه على متن رجال=حيثه ورث قومن يشرف نباها
بطيب السجايا ينشهدله والأفعال=فيها انتشرف يوم نسمع صداها
قبل الوطن لدين من ضمن الابطال=تردع مروجت الفتن عن هواها
بقيادة اللي لصعيبات حلال=ونار العدو فعله يخمد سناها
فعله كما سيلن من الجال للجال=يطفي فتايلها ويقلع مداها
هذاك ابن نايف بلاشك وجدال=نسل الرجال اللي يذري ذراها
ماينمحي مجدن مواريثه اشبال=كن ها نبت قفرن على اول حياها 
العرض الشجري
