الشاعر عبيد بن نهار والشاعر الجديد // اسناد.. ورد

الشاعر عبيد نهار يسند على الشاعر الجديد ( ابو فايز )

........

المعذره يا اهل الوفاء وأبعاد الارماس=يا اهل اللحى واهل الدقون الحليقه
ياوسع صدري في زمن عز الانجاس=وياضيق صدري يا الوجيه الطليقه
مني لأبو فايز سلامٍ بقرطاس=سلام تسليم الرفيق لرفيقه
ينصاك يا تاج المتوّج على الراس=يا تاج راسٍ راس شخصك صديقه
المال لـرجال عزٍ ونوماس=لوهو يضيع القايله عن طريقه
كم واحدن مات وشفاياه يباس=يركض ولا عمره تريح دقيقه
يركض من الغبشه الى وقت الادماس=يجمع حطامن ماه مابل ريقه
يبخل على عياله وحاله بالأباس=ويصيب صدره لأقبل العيد ضيقه
نفسه تجاذبها وساويس الافلاس=هاجس افلاسه به يشب الحريقه
البخل ملعون الجدف كتم الانفاس=فيروس سلن بالخفايا الغميقه
تراه ماهو عرق والعرق دساس=البخل شين مكتسب بالحقيقه
او غرستن تغرس بتوجيه غراس=بالنفس تغرس زي غرس الحديقه

.......

رد الشاعر الجديد ( ابو فايز )

حي الجواب وحي راع التهجراس=راع البيوت النادرات الغميقه
اللي لهن عند اهل العرف مقياس=جواهرٍ مثل الذهب في بريقه
اهلاً هلا واعداد ماهب نسناس=وعداد ماتلفح غصونٍ وريقه
بإبن نهار اللي له الطيب نبراس=عز الصديق وعز منهو رفيقه
يشكي علي احوال بعضٍ من الناس=اللي عن الواقع مضيع طريقه
يا عبيد كبت النفس من نوع الاتعاس=لاتحمل الانسان مالا يطيقه
قمت اتذكر واضرب اخماس واسداس=ياعبيد زاد المي على دقيقه
المال عز وتفتخر طبلة الراس=ومن لاتجمّل فيه دلوه خريقه
هذاك محروم السعاده والاوناس=ماذاق حلو المال لو هي دقيقه
في باله انه كاسبن طرم الاكياس=الا تعشى عند جاره سليقه
ولد الردي ماله مكانه ومجلاس=بالمجتمع منبوذ حاله رقيقه
مير الحضيض اللي تلبس بالالباس=لبس التقى والشح مغلق طريقه
ورفقتك عندي مسيسينه على ساس=طلبك محقق وانت راع الوثيقه

صح الله السان الشعراء وصح بدنك مشرفنا العزيز على الاضافات الجديده
وتستمر في الابداع

الابداع في تواجدك ومرورك
شكراً على المتابعه مشعل مجالسنا لاهنت