يا مرحباء بالرجال اللي لهم قيمه / الشاعر شريف ابن راكب

اهداء من الشاعر/ شريف بن محمد ابن راكب الفريدي
الى نايف ابن حيلان الفريدي واخوانه بمناسبة الحفل الذي اقاموه
عند ابلهم في منطقة الجوف على شرف عددٌ من مشايخ ووجها القبايل
يوم الجمعه 10 / 7 / 1435 هـ

اخترت زين الكلام وحان تقديمه=وعلى الكريم اعتماد الراي واملنا
يامرحبا بالرجال اللي لهم قيمه=مع كل واحد عسى ربي يجملنا
هلا هلا عد وبلٍ راكدٍ غيمه=مقداركم يعلم الله فوق ماقلنا
منا لكم كامل الترحيب والشيمه=ومنكم نبا الستر لو ينقص تعاملنا
في حفلة اللي من المرحوم تعليمه=اللي غيابه سقانا المر واذهلنا
كم بيت شيخٍ وقع ما عيد ترميمه=نلقى المعالم الى منا تجولنا
في عكس نايف ويرفونه صواريمه=جمالنا اللي ندنيهم الى شلنا
درب الردى ماتقرّبهم مثاليمه=وتاج الوفاء ورث تالينا من اولنا
اولاد راشد وفانا تم تعميمه=مافيه واحد يعد النور يجهلنا
ومن كل حربي لكم مليون تسليمه=ومن لاحضر قال عن ظرفه وحملنا
نحب راع الوفاء ونحب تكريمه=ونبقى على طبعنا الماضي ولازلنا
مالي بنقص الكلام وزود ترهيمه=من كامل العرف تعطينا مناهلنا

صح لسانه وبيض الله وجهك الغالي ابوحمد على النقل لاعدمتك

صح بدنك بالنيابه عن شاعرنا الكبير شريف محمد الفريدي

شكراً مليون على المرور العاطر لاهنت