عند ابن حيلان نايف مرحباء بأسم القبيله / الشاعر محمد بن شعيبان

قصيده لـ الشاعر محمد بن حمد ابن شعيبان الفريدي

في حفل الشيخ نايف ابن حيلان واخوانه على شرف عدداً من
مشايخ القبايل واعيان ووجها المنطقه عند ابلهم في منطقة الجوف

قال من جزل المواقف والمثايل تستويله=يتعب افكاره قدر للي يحبون الجزايل
عند ابن حيلان نايف مرحبا بأسم القبيله=مرحبا حي الله الوافين من كل القبايل
بالشيوخ وبالجبر ماهل همال المخيله=ياهلا من هاجسٍ كله فخر والراس طايل
في محل عيال ابن حيلان كساب الجميله=عطر الله قبر جازي من مراويح المخايل
ورّث عياله صخاه اللي زهاه ايام جيله=بارك الله بالعيال اللي يشيلون الثقايل
الحرار الشقر دايم ماتجيب الا الجزيله=من رجالٍ صيتهم ماهو خفي بين الحمايل
عزوة الراكب هل الطولات والخيل الاصيله=نفتخر بأفعالهم لاجاء التباهي بالفعايل
العلوم الطيبه ماهي عليهم مستحيله=بالعزايم والهمم دايم يجيبون الاوايل
وكل حربياً ضميره حي واهدافه نبيله=افتخر واعتز في طاريه في شتا الوسايل
وعنصري لاهل النوايا البيض واصحاب الفضيله=الرجال اللي تعد الحق من كل الفصايل

وعنصري لأهل النوايا البيض وأصحاب الفضيلة / الرجال الي تعد الحق من كل الفصايل

بيض الله وجهك ابوفهد وصح لسانك

ابوحمد أشكرك على النقل المتميز دائماً تقبل مروري

وجهك ابيض وصح بدنك بالنيابه عن ابو فهد

مرورك وساام لاهنت ياغالي

صح السان الشاعر ابو فهد
وصح بدنك على النقل

الف شكر ابو صالح لاهنت ياغالي