ماهين نفسي وأبي غيري يشيمها

ياهن لا تحسبني بس طوالي=أفرح بطاري العزيمه وأتغانمها
نفسي عزيزة ولا والله على بالي =مادور الذاهبه والا أتوسمها
ليتك تجاهلتني والله اشوا لي=وأصير من ضمن ناسن ماأنت عازمها
ترى العزيمه تحدد قيمة الغالي =ركز على دعوة الداعي وقيمها
مع التطور حصل في وقتنا الحالي=طريقتن كل رجالن تعلمها
بدال من ترسله خذ رقم جوالي=خدمه بسيطه من الهاتف تقدمها
وخل التشره وقولت جاك مرسالي =يادليم قل له هلا والله أني أفهمها
ترى حبش يوم تضرب فيه الأمثالي=جميع غلطه لياقيلت تسلمها
تهاذبن مع بسيطا بأشهب الالي =يعل نارك صدوق الوبل يدهمها
أن شفتني في محلك طق فنجالي =ماهين نفسي وأبي غيري يشيمها

الشاعر /شريف بن راكب

صح لسان شاعرنا العلم
شريف محمد ابن راكب قصيده جزله من شاعرٍ جزل
سلمت ابو صالح على الاضافه لاهنت

صح لسان الشاعر الكبير والقدير - شريف بن راكب


اخي الغالي ابوصالح بيض الله وجهك على النقل