مــر الــفــراق

السلام عليكم ورحمة الله وبركاته

تضامناً مع مجالس القبيلة السامية بكم جميعاً وتقديراً للأعضاء والضيوف الكرام

لي صاحبٍ وافي أقدره وأغليه=وإن ماطلبني بإتصاله طلبته
رفيق ماهو للسعه يوم أحاكيه=نفس الشعور اللي حسبني حسبته
محشوم عن درب الخطأ في مساعيه=مافيه يومٍ لمت فعله وعبته
أشتاق له وان لاح طاريه اسميه=أخوي لو اني لابي مانسبته
أعرفه مثل عرفي لنفسي وأداريه=عن مايضره وان بغى شيء جبته
أغلي بني عمه وأهله وبنيخيه=لأنه كسبني طيب وأنا كسبته
وأتعب ركابي له محبه وأخاويه=لو كان له درب القساوه ركبته
وعصيت فيه أهل الحكي والمشاريه=وشبيت له نار القصيد وكتبته
واليوم مدري وين داره وأراضيه=مر الفراق اللي عطاني شربته
واللي نشاء مثله عزيزه مباديه=رياح بقعاء مأخلفت طيب نبته
عندي له سمان المعاذير تحميه=لو طال فيه اثنين يومه وسبته
في داخلي بيتٍ يشرف هقاويه=والصد عن مثله خطأ مأرتكبته
يعرف هدف معناي لو كنت مخفيه=حتى لو اني بالاسم ماندبته
أخاف لايطلع شقيٍ يناحيه=ويقول في موقف وفايه غلبته

وسلامتكم

صح لسانك شاعرنا القدير مقبل النمران
جزل كما اعتدناك صح لسانك