دام الامل له سلك لاتقطع السلك =ما دام ماحطّوا عليك النصيبه

عندما يبدع الشاعر رشيد الفريدي
اليكم هذه القصيدة من روائع الشاعر

ياللّـي مـن الايــام قـلّـت محايـلـكوظاقت عليك فجوج نجـد الرحيبـه

ارفع يدينـك بالدعـاء لمالـك الملـكيفـرج همـومـك دون شــك وريـبـه

اللّـي يسـوق الـرزق ويديـر للفلـكوالنمل فـوق الصخـر يسمـع دبيبـه

مـع فـارج الكربـات وثّـق تواصلـكشـدّ الـرحـال وزور مـكـة وطيـبـة

دنياك ما تسوى على شـان تزعلـكحتـى ولـو خانتـك مـا هــي غريـبـه

لا تستهيـن بسبـع الاحــزان ياكـلـكيـروح عمـرك للحسـايـف ضريـبـه

دام الامل له سلك لاتقطـع السلـكمـا دام ماحـطّـوا علـيـك النصيـبـه

ولاتخـاوي اللّـي بالشدايـد تجاهـلـكواحـذر خـوي المصلـحـه لاتغزيـبـه

ولاهو لزوم تجامل انسـان مزعلـكبالمجلـس اللـي بـه نميمـه وغيـبـه

الـلّـي يــودّك بالبشـاشـه يقـابـلـكواللّي مايرغب شوفتك وش تبي به

خلّك وسيع بطـان.. راقـي تعاملـكوعن الـردى خلّـك بـراس الجذيبـه

فعلا صحيح اللّي مايعرفـك يجهلـكوفعلا.. سكوتك بعض الاحيان هيبـه

لكـن تعيـش بـدار مالـك بهـا ملـكهــذي تـراهـا المهـزلـه والمصيـبـه

وليافعلـت الطيـب تبـقـى فعايـلـكلو هو صعيب .. وله دروب صعيبـه

ولا بد لك مـن يـوم تقفـي رحايلـكوتطـول مـن بعـد الرحيـل المغيبـه

قصيدة الشاعر والاعلامي القدير . رشيد محمد الفريدي