ان كان طيبه عيون الحسد يعمسها=اللي حسد بشره في طولة اعماسه

تشرفت بالمشاركة بها بمحفل الشيخ فرج بن فخري

امطنخ الناس ماتفظي مجالسها=وﻻ الردي تستمل الناس مجلاسه
سلام يامن قبيلة حرب نومسها=مثله وشرواه فعل الطيب نوماسه
ان كان طيبه عيون الحسد يعمسها=اللي حسد بشره في طولة اعماسه
فرج نصاء الجايزه ماهو مسايسها=والمرجله طالها والطيب من ساسه
هقواته الكايده ماهو بحابسها=ولا ينثني من يحط المجد نبراسه
يوم الجماهير شاشة من تحمسها=ومن الفخر كلن رجلن رافعن راسه
جهر لها بكلمت(ن) ماهو بها مسها=الفوز ذا فوزكم ياحرب من ساسه
الفاخرات اشمخت ياللي تنافسها=كفو لها يعرف الكيل بقياسه
يستاهل البل رجالن ممارسها=له بالنظر عرف مع مجهود وفراسه
بالذود له نظرتن وهبه مايدرسها=وش فاده اللي يجر المال بكياسه
تصبح جهوده على الفاضي مكرسها=والناس بشوارها بتزيد وسواسه
واللي كما علتن بالصدر موجسها=برهانها لكـّثر السجات هوجاسه

الشاعر / عبدالعزيز بن سعيد الفريدي

صح الله السانك عبدالعزيز قصيده جميله جداً
يستاهل الممدوح المدح والثناء...,
تقبل مرروي وتقديري لك

صح لسانك ابا عبدالاله قصيده جزله من شاعرٍ جزل
وفيت وكفيت ونعم بالمادح والممدوح
اشكرك على الاضافه لاهنت

المشاركة الأصلية كتبت بواسطة ابـن مـطـيـع

صح الله السانك عبدالعزيز قصيده جميله جداً
يستاهل الممدوح المدح والثناء...,
تقبل مرروي وتقديري لك

صح بدنك يابو صالح

ولاهنت على مرورك والتواجد المشرف

تحيتي وتقديري لك

المشاركة الأصلية كتبت بواسطة ابوحمد

صح لسانك ابا عبدالاله قصيده جزله من شاعرٍ جزل
وفيت وكفيت ونعم بالمادح والممدوح
اشكرك على الاضافه لاهنت

صح بدنك يابو حمد

وشهادتك وسام ..اتشرف به

ونت كفو بالعلم الغانم

تحيتي وتقديري لك