في نيته للخير يفعل بلا قول = وعند اللزم يفعل كلامٍ يقوله

تشرفت بالمشاركة بهذه القصيده بالأمسية
المقامه بمناسبة زواج رجل الاعمال سعد بن سمار الحداري

يالله ماللخلق قدره ولاحول = الا بحوله كل خيرٍ تنوله
غاية رجانا ياعسى السعي مقبول = عند اللذي حجاج بيته سعوله
باب الفرج ماهو لراجيه مقفول = بمره يدوم الخير ويضا يزوله
فضله يحب العبد يظهره بفعول = والناس لامن بان طيبه عنوله
شروا ابوماجد ولاهو بمجهول = يشهد على قولي جزايل فعوله
في نيته للخير يفعل بلا قول = وعند اللزم يفعل كلامٍ يقوله
زودٍ على صيتٍ مع الناس منقول = هذا كلامٍ عقب شفنا نقوله
واليا مدحت امدح رياجيل وزحول=اهل المراجل من عيال الحموله
الطيب مجذب والفاعيل لها اصول= تزها على اللي طيباتٍ اصوله
ومن باب بيت دايم الدوم مقفول= اليا عزم يلزم تدور دلوله
لاشك ماهو من هل الصيت مدلول=وليا لفا طاريه مايربعوله
والا وريث الطيب لو حاله الحول = للمجد ياصل لاتباطا وصوله
يبقى محله للمشاكيل مدهول=ويفرح ليا شاف النشاما لفوله
وصلوا على الشفاع في حزة الهول=بيوم يشيّب بالمواليد هوله
اللي بعثه الله لنا خير مرسول = الله يشملنا بشفاعة رسوله

الشاعر : عبد العزيز بن سعيد الفريدي

الشاعر
عبد العزيز سعيد العبلان
من طول الغيبات جاب الغنايم صح لسانك ولاهنت
تحيتي

الشاعر والناقد القدير

غازي بن عجاب ..صح بدنك

ولاهنت على مرورك وتواجدك المشرف

تحيتي وتقديري لك

الشاعر القدير عبدالعزيز العبلان
صح لسانك وعلا شانك
قصيده جزله من شاعرٍ جزل لاعدمناك
تقبل مروري لاهنت

حياك الله يابوحمد

وعادتك الجزاله ولاهنت على مرورك المشرف

وتواجدك المميز بالمجلس الشامخ

تقبل وافر التقدير