من يفعل المعروف ماعاد له شان

هذي قصيدة من قصائد الشاعر القدير . حمود بن محمد الفريدي ,موجهه الى الشاعر القدير نايف بن بادي الفريدي

سلام ياراع المواقف كحيلان =سم الكبود اللي خبيثٍ مرضها
طير السعد ماهو بطير ابن برمان =مشى على طرق الرجال وحفظها
لاهنت يانايف سلايل طليحان=وكر الحرار اللي قليلٍ عوضها
اشكرك ماينزل من المزن ودان=وماهلت عيون الأوادم مضضها
دكتور في صوغ المثايل ليا حان= هذيك يفتلها وهاذي نقضها
سيفٍ بحزات المواجيب له شان=وان جنبت عن يمته ما اعترضها
وليا تعرض له من الناس غلطان= ليا كوا مكواه جوًد نجضها
يوم اللزوم وصار في بالجو دخان= على العدا رايات ربعه نهضها
حنا بدورن صارت الروس كرعان = وقامت تجي عادات مالله فرضها
من يفعل المعروف ماعاد له شان= والناس ماتسمع من اللي وعظها
وتباغضوا فيه القرايب والاخوان =وناسٍ تبلوا ناس ماتعترضها
يعيش به سبٍوٍ من الحقد مليان=ليا نصحته للفضيله رفضها
شكل أدمي لكن خوافيه شيطان= جوّد مرير الفارغة والتحضها
ناسٍ تشكّل كل يومٍ على الان= تضحك معك من شان تلقى غرضها
لاحتجتها راغت مراويغ فيران= مالك بها عسى الولي مايحفضها
الشاعر/ حمود محمد الفريدي (ابو ناصر)

صح لسان ابو ناصر

قصيده جزله من شاعرٍ جزل


عودنا ابو ناصر دائماً على الابداع


ولايهون الشاعر القدير نايف بادي الفريدي


ابو صالح بيض الله وجهك على الجهود الكبيره والمتابعه المميزه لشعراء القبيله


مليون شكر على الاضافه لاهنت

دكتـور فـي صـوغ المثايـل لـيـا حــان
هــذيـــك يـفـتـلـهـا وهـــــاذي نـقـضــهــا
سـيـفٍ بـحـزات المواجـيـب لــه شـــان
وان جنبـت عـن يمتـه مـا اعترضـهـا

صح لسان الشاعر

ابن مطيع

سلمت على مانقلت

تحيتي للجميع