من جديد الجديد (ومن جامعة غبر الليالي تخرجت)

البارحه عن لذة النوم لجلجت
=يالله عسى خيرن تعكر مزاجي

حاولت مدري كيف وشلون عالجت=عالجت وضعي مايفيد العلاجي

وأثره طرالي سجت الرجل لاسجت=يم الشمال اللي هواها مزاجي

من فوق جمسن يطرب البال لادجت=صنع اليهود ملقبين الخواجي

وياما حلا بعصير لاصار دوجت
=وعقب الآثر بالعين روغ اوماجي

وعلى يمينك مسرول الساق لابلجت=طلعه ركاد اولا يجي به رجاجي

سون على اللي ساوقت لاتفرجت
=لاتقول راحت لو عليكم عجاجي

بإذن الولي لوهي ورى الحزم مااحتجت=ما احتجت فزعت واحدن لك ايناجي

وصفت ادلالن بالحطب نارها اسرجت=والقدر يطبخ به صغير النعاجي

ولاجازلك موقع بالأقمار برمجت
=متى انتويت الله عليه الخراجي

عز الله أنك عن غثاء المدن عالجت
=قلبك وجسمك عن اصحون الدجاجي

حيثن كبت النفس بالمدن وأحرجت
=وكم واحدن له غايتن وإبتهاجي

وعن خوت الأنذال مبطي تخارجت
=وعطيت نفسي مع اوساع الزراجي

او عز الله إني اشتقت للبر واخلجت
=والله يعين اللي طواه الخلاجي

ومن جامعة غبر الليالي تخرجت=وعرفت صافي حلوها والهماجي

الشاعر / (ابوفايز)
عبدالله سمير العوما الفريدي

صح لسان ابو فايز

وسلمت ابو صالح على الاضافه لاهنت

لاهنت على المرور المشرف يا بو حمد
عساك في الوجود

صح لسان الشاعر
يعطيك العافيه على طرحك المميز

صح الله لسان ابو فايز ولك الشكر ع النقل يا مشعل

ابوفايز صح لسانك علي القصيده الجزله وكما عودتنا علي الجزاله

وين ذكرتنا للبر والشمال وحركت المواجع


يابوفايز الشمال له عندي مكانه خاصه وانت بوصفك حركت جميع

الاحاسيس والمشاعر


صح لسانك نضمت فأبدعت قصيده تستاهل الاشاده

والشكر موصول لأخي مشعل المطيع على الاضافه


وتقبل مني أعطر التحايا والتراحيب