رديه بين سعد هذيل / و محمد بن شعيبان

الناس يامحمد تسابق على الطيب=ارضاً خصاب ومن توفق نزلها...
روادها تخالفوا بالمشاريب =وصعب المواقف بينة من جملها...
وهبة من الخالق تجي نوب وتغيب=لاشك مال المرجلة كود اهلها
ياطيب ربعي يوم ناديت ياذيب=كلي طناخة وانت ياشيخ قلها
ماعقب عزيرات جونا معازيب=في جمعهم عين المعادي كحلها
لبيه ياجمعاً به الظن مايخيب=بيوم جمع شبابنا مع كهلها
كلً يرحب ياعريب المجاذيب=في صالةً حب التواصل شملها
علم يشرف وصلوه المناديب=عبر الثريا والنشاماء وصلها
يامحمد شعيبان غطاء راسي الشيب=مامرني مثل أمس لذة عسلها
جمع الجماعة بالفرح والتراحيب=اسمع سلمت وكلمة الحق قلها
الشاعر سعد هذيل
,,,,,,,,,,,,
رد الشاعر محمد الشعيبان
لشعرقدر وللجماعة مواجيب=وتعلق العقال بالله املها
بعض الاوادم من كثيرالتجاريب=مهماحصل ماتنتبه من جهلها
مالك عن اللي يكتب الله تجنيب=دنياً تروع كل عاقل احيلها
تفحمبها عطرالاحا والاشانيب=علئ رجال العرف ماكثرعيلها
يابن هذيل الياصدقن الهناديب=من النفوس اللي للامجادولها
ماتقبل الشكه ولاتقبل الريب=نفس علئ الطولات تسس عملها
سولف وغن ورتب القاف ترتيب=وماجازلك من جزل الالحان شلها
والشكرللمعبودجزل المواهيب=ثم لراجل اهل الوفاء بمحفلها
رزوعلمنا فوق روس المراقيب=كل البلجاً منهم جهوده بذلها
عزوت عزيراتاً سليمه من العيب=الله علئ الفعل النقاوي جبلها
محمدحمد ابن شعيبان

رديه قويه بين شاعرين لهم ذكرهم الشعري
تقبل مروري مشكور على الاضافه

شرفني مرورك الجزل
لاهنت

اسناد رائع

ورد وافي وكافي


شاعرين ممزين صحت السنتهم


وافي يابو صالح دائماً في كل مايخص القبيله


احترامي وتقديري لاهنت

اخوي مشعل لا هنت فعلا تبقى مشعل المجالس اسمك لامع مثل نجم سهيل في مجلس الشرف
وكذلك تواجدك وحرصك واهتمامك ؟؟ اقول بيض الله وجهك والله يوفقك
تحاتي لك وللاخوان جميعا