ولــي الفـخـر فــي كـــل مـاعـقـب فـريــد=ربـعـي هــل الطـولـه خليـفـه وشـرطــان

هذه قصيدة الشاعر القدير / محمد شعيبان الفريدي

بمن يستحقون المدح والثناء

مفتاح باب القاف يانايف عبيد=قدر وفاء واخلاص يابن كميهان
حبيت اباركلك واهنيك بالعيد=وخوانك الوافين ذربين الايمان
اهل السلوم الطيبه والتقاليد=واهل الكرم واهل الشجاعه والايمان
كلمة نعم فزتوبها يالاواليد=مجالكم فيه افتخر سر وعلان
ولي الفخر في كل ماعقب فريد=ربعي هل الطوله خليفه وشرطان
افخر واباهي بالرجال الصناديد=شرواك يانايف وشروا الجويعان
عبدالله اكرمني كذالك تراديد=في طيبه الزايد سلايل كحيلان
قبل امس يومنا مشينا مسانيد=أنا ومعيه بالسفر بعض الاخوان
ربعاً يعرفون القيم والمناقيد=الذكري ابن خريص وابن شحيبان(1)
رحنا نهار اربع وعشرين تحديد=من رمضان الي علينا الى الان
ويومن موترنا وقف بايمن السيد=قدام ناصل للحويه مسيان
كلمت ابااستفتيه مالي مقاصيد =ودار الحديث وقال موترك عطلان
قلت ايه لكن يعلم الله مازيد =كل الامور ميسرة يابليهان
اوضاعنا زينه ولافيه تعقيد=واللي نبيه نحصله وين ماكان
حلف وطلق واكد الحلف تاكيد=ورسل لنا سايق يماني على فان
يمشي بخدمتنا على وين مانريد=حتى وصلنا بيوتنا وأنقضى الشان
مجندا ًموتر وسواق تجنيد=بأم القرى في خدمة الناس مجان
ماقصدة يدور من الخلق تمجيد=يرجي من المعبود عفواً وغفران
والله بدون مبالغه يالاجاويد=فعل الهديبي فوق تقدير الاثمان
وممني اني فيه لامدح ولاشيد=لولا كذا كان القوافي والاوزان
صخرتهن لرضاه جمله وتفريد=يستاهل التمجيد في كل ديوان
اقول يانايف بالامثال واعيد=الله يبارك فيك يابن كميهان

محمدحمد بن شعيبان الحربي

(1)الذكري. محمدهليل العوفي
ابن شحيبان.شاعرالمحاورة محمدعبيدالربيقي.