يامل قلبن في هوا الزين نزال ..

يامل قلبن في هواء الزين نزال
‏ ينزل منازيله وياخذ محله
لي صاحبن مانيب آجي له على البال
مدلعن يصعب على الناس دله
‏ علق على بقلبي من الشوق تلال
وأقفى بقلبي من ضلوعي يتله
شفته مثل بدر ن نزل منزل هلال
‏ وشعره كما ليلن ضلامه يهله
طالت ليال الشوق والشوق لا زال
‏ يطوي حياة أهل الحياة الممله
من سار في دربه من العشق يكتال
‏ يمسي على عله ويصبح بعله
وأنا على حبي تعلقت الآمال
‏ ومن حب هان وصاحبه ما فطن له
والعشق للعاشق كما غيمة خيال
‏ زالت وعشقه للمأسي يدله
صابت سهوم الحب ليلى بغربال
‏ وقيس الهواء جدد هوا بمذله
تغيرت حاله على كل الأحوال
‏ ومسى طريح فراش من حب خله
صار يتمرا الحب مهره وخيال
‏ لاشافته جاها تجي فزعة له
ترا طريق أهل الهوا خط رحال
‏ ‏ من هو مشاء مع خط عشقه يدله
في مامضى والناس تبحث عن المال
‏ ‏ وصار الفقير اليوم ماله يهله
جات البنات بشيك جاهز بالأموال
‏ تسقي من أونس من ضماه المذله
ترعى فقير النفس وتغير الحال
‏ تقول هاك المال ياشيخ كله
وقام وربطها بالسلاسل والأغلال
‏ قالت لزوم أسكنك في وسط فله
من شيكها قام النذل يسحب ريال
‏ وهي تقول المال كله فدله
زادت على همه من الدين مكيال
‏ ‏ وصارت حياته من حياة المذله
والناس عند الناس تجمع للموال
‏ والكل من جمع الحطام مبدله
جاله نذير وما طراله على بال
‏ قالت حلالي لازم أنك تهله
راح يتدين ياخذ ريال بريال
‏ من عقب شاف العز ذاق المذله
دنياه قبله ما تصافت للانذال
‏ ياكثر من غره زمانه وذله
قارون من جمعه جمع جمع مهتال
‏ خزاينه منها الأوادم تبله
لا جابوا المفتاح جابوه بثقال
‏ يصعب على سبعة رجال ن تشله
مافادته دنياه يجمع ومختال
‏ وعطاه ربه مهلته ممهلله
لكن عصى وامسى من الناس يكتال
‏ يضهر على قومه بزينه يهله
ومن عقبها تبدل الحال بحوال
‏ سلاسله وسط الأراضي تجله
خسف به الله بالخزاين والأموال
‏ حبلن يرخي به وحبلن يتله
من يعرف الله فالرخاء وقت الأمهال
‏ بكره ليا جاته مصيبه يحله
وختامها يلي سعيتوا للموال
أعطوه حقه والعطا طهرة لـه

محمد العطــاوي

طرح رآئع
يعطيـك ـآلـعـآفيـهَ على جمَـآل طرحـك..
د ـآم عطـآئك ..