قصيدة الشاعر محمد ماجد في حفل تكريم سعادة المقدم منصور الوسوس

الشعر في بعض المواقيف له دور=وفي موقف الابطال حقاً عليه
حقاً علي اشارك بحفل منصور=راع الوفا والطيب زبن الونيه
يامرحبا واعداد مايطلع النور=للي لهم في خافقي مقدريه
ترحيبتن من صادق احساس وشعور=سيقت لاهلها سوقة الشاذليه
اقولها وانا من العلم مسرور=ترحيبتن مني على حسن نيه
اقولها مبروك ياوافي الشور=مبروك لك بالرتبة العسكريه
نجمه وتاج وبالمواقيف مخبور=ماهي غريبه وانت كفك نديه
والله لو ان ليه مع الامن طابور=لاقف مع الافراد واصرف تحيه
انا ادري ان ماني بهالشي مجبور=بس الفخر يلعب بالادوار فيه
له خالص التقدير مايلحقه زور=محمد وزير وزارة الداخليه
على حسن ظنه ورايه ومشكور=الاولويه حطها الافضليه
لانك يابو يارا على الشد مذخور=مهون صعيبات الامور القويه
من لابتن ماهما كل معسور=تورد العدوان حوض المنيه
ربعي قبيلة حرب والعلم مشهور=افعالهم ماهي عليكم خفيه
قريبهم مايشكي الظلم والجور=اهل الكرم والجود واهل الحميه
ولي الشرف في جيتي حفل منصور=وهذي يابو يارا اعتبرها هديه


*********

الشاعر محمد ماجد الفريدي

سجل مروري وأعجابي

وصح لسانك قصيده في قامه تستاهل المقدم / منصور محمد الوسوس


هذا الرجل مهما قلنا فيه مقصرين


صح لسانك مره ثانيه كفيت ووفيت

والشكر موصول لزميلنا الغالي ابوحمد على الأضافه


العطره

يستاااااااهل ابو يارا


والف مليون مبرووووك على الترقيه



وعقبال الرتب العاليه



صح اللسان الشاعر ولاهان



ويعطيك العافيه ابو حمد على الاضافه الجميله



تحياتي للجميع