قصيدة الشاعر محمد بن شعيبان في حفل تكريم سعادة المقدم منصور الوسوس

في ليله ولا كل الليالي
وبمناسبة ترقية منصور الوسوس الى رتبة مقدم
اقام منسوبي قسم مرور قصيباء احتفاليه كبيره بهذه المناسبه
تليق بالمحتفى به وبالحظور من مشايخ وضباط وكبار المسؤولين والجمع الغفير الذي حظر
فلهم منا جزيل الشكر والعرفان على حسن الضيافه والاستقبال
*
*

سلام مني لـبّيض الوجه منصور=منصور راع المعرفه والرجوله
دكتور علم وبالمهمات دكتور=وفيه الحميا واضحه للحموله
لكل علماً فيه ناموس مشهور=يقّدر رجال الوفاء لاعنو له
يفزع مع اللي ينتخيبه على الفور=شئٍ صحيح مجرباتٍ فعوله
يفداه من لاصار له بالوفاء دور=ماصار له بالطيب صوله وجوله
مسؤول لاكنه معقد ومثبور=مراجله تقصر عن اللي يعوله
والوسوسي طاريه بالنعم معمور=لاجا مجاله بالجميل شهدوله
للازم اللي يرفع الراس مذخور=ياقف مواقيف الفخر والبطوله
الطيبه لو دونها اقطار وبحور=يتعب لها فكره ويتعب رجوله
قد الثقه يا طيب الاصل والشور=مثلك يشرف له قبيله ودوله
دافع وفا عبرت ماني بمجبور=الحق ياجب كل مسلم يقوله
وبأذن الكريم انه مجمل وماجور=ماقدمه نرجي من الله قبوله
وبأسم الجميع اقول مشكور مشكور=مشكور يامنصور دين ورجوله

صح السان الشاعر القدير / ابن شعيبان
ويستاهل المقدم منصور الوسوس هذا المدح فهو من الرجال الذين تتشرف بها القبيله
له مني خالص الدعوات له بالتوفيق في حياته العمليه والعلميه
مشكور ابو حمد على الاضافة المشرفه.. عساك في الوجود لاهنـت

صح اللسان الشاعر / محمد بن شعيبان



ولاهان على هذه الجزله



والمقدم / منصور يستااااهل الطيب ومهما قيل قليل في حقه



لاهنت ابو حمد على الاضافه المميزه



تحياتي للجميع