وقفة الوفاء والشموخ والتكريم للشيخ / شلاح بن حماد

بمناسبة حفل أهالي ضيدة وقفة الوفاء والشموخ والتكريم
للشيخ / شلاح بن متعب بن حماد

سلام من صادق نباء احساس وشعور=للي وقفوا تكريم للشيخ شلاح
وقفة شرف واللي سعى بجهد مشكور=حق وتكاتف جود للعز ووشاح
وأنتم وقفتوا وقفة رجال وصقور=فزتوا بها في مفخرة كل مداح
الطيب ركزة رمح يبذل على الفور=مايحتمل تأجيل غدوه ومرواح
ولاهي غريبه سابق العلم مذكور=مضرب مثل نبذا التشتت والاتراح
حطيتوا لكم في ساحة المرجله نور=نورٍ تعدى بالوفاء حد الأسياح
ودعيتوا لها سامين مبدا وجمهور=وشيوخ وافين الخصائل والأرباح
بحضورهم كن البلد صار ممطور=يامرحبا فيهم عدد مالقمر لاح
بكم البلد ينبت رياحين وزهور=وتشوش فيكم رؤس وتزيد الأفراح
حضوركم تشريف والطيب مايبور=ميراثكم يوم الزمن خيل ورماح
فيكم يطيب الحفل والكل مسرور=والعود طيب وجود بقبالكم فاح
جيتم وفاء مأحدن على الطيب مجبور=ان كان ماهو صدق بالقلب نضاح
تكريم للي بوقفة الطيب مشهور=شيخ على العلياء مكانه ولازاح
لين جناب انسان له قدر وحضور=ياقف بذل ياقف فعل ياقف إصلاح
شلاح بن حماد والشعر معذور=مهما يقول من المدح قلت ماباح
لأنه ابو في داخل القلب محفور=غلاه بقلوب النشاما ولاطاح
انته يابو سطام وافي ومخبور=لربعك سند في ساعة الحزم وسلاح
طيب وفي خصال لك بالعرب دور=وخاطرك مع ربعك على العز منساح
مابك شكوك ولاحصل منك قصور=حقك على الدوله من الجهد ترتاح
وإلا أنت باقي شيخ شامخ من دهور=تاريخ ماتهزه معاصير الأرياح
درعٍ لربعك بالوفاء حزامٍ وسور=وبالقاسيه معهم عن الضيم مفتاح
تبقى علم بالبذل والجاه والشور=دورك يزود بكل موقف ولاراح
تبقى ذخر تبقى فخر بيت معمور=سيرة وفاء تصعب على كل سباح
عمرك طويل بشاية الله مأجور=يحفظك من بامره تصاريف الأرواح
وأهل البلد قاموا وفاء إحساس وشعور=لأن الوفاء لأهل الوفاء عز ووشاح
صفحة وفاء بالمجد وقفات وسطور=تحسب لحرب أهل المكارم والأمداح
وأزكى سلامي وامتناني على الفور=للي وقفوا تكريم للشيخ شلاح

.

مقبل بن نمران رغم قلتي ردودي على القصائد لدخولي المستعجل الا ان قصيدتك اجبرتني على الرد صح لسانك
توي اسمعها ماحضرت الحفل وكنت اسالي عنها ولم اجدها صحيح انك مقل بالحضور ولاكن حضورك بمثل هذا الشعر يكفي صح لسانك

الشاعر القدير مقبل بن نمران الفريدي

صح لسانك على القصيده الجزله والالقاء الرائع


حظروك كان رائع بيض الله وجهك يستال المدح الشيخ شلاح بن حماد


اهل ضيده وفو وكفو وعيال راشد كانو بالموعد دمت ودام حظروك المميز

صح لسانك ويستاهل أبو سطام ..

اخي الشاعر الكبير مقبل النمران صح لسانك مدد بلا عدد
والشيخ شلاح ابو سطام يستاهل المدح وهو اهل له سلمت اناملك وماجادت به قريحتك
كم تمنيت لقاك في الرياض عندما اخبروني بتواجدك ولكن اسال الله ان يجمعنا في الدنياء والاخره
لك اجمل تحيه

المشاركة الأصلية كتبت بواسطة نايف بن مياس..

مقبل بن نمران رغم قلتي ردودي على القصائد لدخولي المستعجل الا ان قصيدتك اجبرتني على الرد صح لسانك
توي اسمعها ماحضرت الحفل وكنت اسالي عنها ولم اجدها صحيح انك مقل بالحضور ولاكن حضورك بمثل هذا الشعر يكفي صح لسانك

هلابك يانايف

صح بدنك وسلمت ودمت وماعليك زوود

شاكر لك نبل شعورك وسمو إحساسك

وياهلابك دائماً

المشاركة الأصلية كتبت بواسطة ابوحمد

الشاعر القدير مقبل بن نمران الفريدي

صح لسانك على القصيده الجزله والالقاء الرائع


حظروك كان رائع بيض الله وجهك يستال المدح الشيخ شلاح بن حماد


اهل ضيده وفو وكفو وعيال راشد كانو بالموعد دمت ودام حظروك المميز

هلابك ابو حمد

صح بدنك وسلمت ودمت وماعليك زوود

وجهك أبيض ومافي شك يستاهل ابو سطام الله يطول بعمره على الطاعة

ويستاهلون اهل ضيدة

المشاركة الأصلية كتبت بواسطة فهد الطميشاء

صح لسانك ويستاهل أبو سطام ..

هلابك فهد

صح بدنك وسلمت ودمت

ونعم الشيخ ابو سطام يستاهل

المشاركة الأصلية كتبت بواسطة نواف بن هلال

اخي الشاعر الكبير مقبل النمران صح لسانك مدد بلا عدد
والشيخ شلاح ابو سطام يستاهل المدح وهو اهل له سلمت اناملك وماجادت به قريحتك
كم تمنيت لقاك في الرياض عندما اخبروني بتواجدك ولكن اسال الله ان يجمعنا في الدنياء والاخره
لك اجمل تحيه

هلابك يانواف

صح بدنك وسلمت ودمت

وبلا شك يستاهل الشيخ / شلاح بن متعب بن حماد

واخوك الآن العمل والسكن في بريدة الله يحييك أنت والوافين المحل محلكم

.