قصـــيده لشـــاعر قالــــط ســــماح الفريـــــــدي

قصيدة الشاعر قـــــالط بن ســـمّاح المقطع الفــــريدي

بمنــــاسبة زواج زميله طلال بن راشد بن كلاب الحويمضي
*
*
*
اليوم انا حظرت وأحضرت الافكار=افكار شعراً تعتلي كل هامه
املك شهادة غوص ببحور الاشعار=اغوص لين البال ياخذ مرامه
لو اتعذر مايفيدن الاعذار=ويدخل علي من العتب والملامه
وان ماقصدت اليوم قدام الانظار=والله ما البس فوق راسي عمامه
قلت اتقدم دام بالحفل شعار=وآسم على جنب القصايد علامه
اخو وخوي وداخل القلب مقدار=وزودنٍ عليهن من سلالة زعامه
حوامضه تاريخكم بين الاقطار=رمز الوفاء والطيب وايضا الشهامه
عدوكم خاسر ولو صار ماصار=ماله من الغارات كود الندامه
مبروك ثم مبروك يانسل الاحرار=وياعل حياتك ياطلال بسلامه
ندعو لك المعبود في سر وجهار=نسمع صدى فرحتك بأقصى تهامه
وانا من رجال يضدون الاشرار=لا جاء نهاراً للمشوك عسامه
اولاد راشد هم هل الطيب والكار=نوط الشجاعه لابسينن وسامه
يشهد لهم تاريخ بالماقف الحار=وعاداتهم يثنون دون الجهامه
ونهايتي مبروك واقول تكرار=يعل حياتك ياطلال بسلامه
*
*
*
قالط سماح المقطع

صح لسانك يا قالط على هذه الرائعة

ويستاهلون عيال عمنا الحوامضة

لا هنت يا ابو حمد نقل موفق

صح بدنك ابو عبدالملك نيابةً عن شاعرها

شكراً لمرورك لاهنت