امنت بالله

امنت بالله واقتنعت ابمصيري=وحطيت حبل النفس مثني ومربوع
ورزقي على علام شري وخيري=لو هو على مخلوق متنا من الجوع
وانا الذي من علتن في ضميري=متبهذلن يحمود مبطي ومليوع
امشي علا الاصوات مثل الضريري=مافقت لينني تنبهت ملسوع
وشري على نفسي وخيري لغيري=واهون مطاليبي مثل حبه الكوع
وانا اعرف الماجوب وارضي عشيري=مار الزمن بمخمسه صاعني صوع
ودنياك هذي حالها مستديري=حزن اوسعاده وابتسامات ودموع
هذا تولعله سراجن منيري=وهاذاك لاروق اتطفيله اشموع
وهذا تسهله بوضعن يسيري=وهذاك ماتمشي معه باي مشروع
وهذا يشيل الحمل مثل البعيري=وهذاك ماعنده على حمله اضلوع
والزيف فيها دايمن مستطيري=والحق فيها كن ماهو بمسموع

نواف عواد الفريدي

اخوي
الشاعر نواف المريبيث
يقول بندر بن سرور العتيبي
النفس طيرٍ والخطايا محابيل والناس رواي الحديث اتحكيبه
عموماً صح لسانك ولاهنت على الاضافه الجميله
تحيتي

قصيدة جميلة

صح لسانك يا شاعرنا

ودمت بالوجود