عبدالله بن سمير

هذي قصيده للاستاذ الشاعر عبدالله بن سمير (الجديد) موجهه لابو عادل حامد بن ردمان

إشتقت نظم القاف ولحامد أهديت=درٍّ من الياقوت فكري نظميا
ابيات من جزل المعاني تنقيت =
أغدق خيالي للشوارد حكميا
أصوغها مثل الذهب ماتحريت =فزعة صديقٍ من بعيدٍ زهميا
للشاعر اللي له مكانه وتصويت =
ماهو خفي معروف شاعر علميا
تسمع صدى قافه اليا منك أوحيت =ومن البلاغه والأدب ما انحرميا
العام يومني بالأبيات غنيت =أسند عليه ولا لحقي هضميا
واليوم مجبورٍ على طيّب الصيت =حيثه حكيم وللقضيه فهميا
أشوف وقتٍ ضيّق الصدر لا بليت =في مفترق خطين عنه إنقسميا
راع الصراحه شلحوه الشواميت =
وراع النمايم عندهم محترميا
إزبن على الطيّب تنصاه بالبيت =ترى الكريم امعان مابه كلميا
وخسارةٍ يم الردي لا تعنيت =ساسه هيار وينهدم بك هدميا
ودنياك لو جت لك على ماتمنيت =دنياك هذي راس ماله حطميا

........
عبدالله سمير العوما

جزلة من ابداعات ابو فايز كالعاده
....
صح لسانه
,,,
ومشكور نايف على النقل

صح لسانك يابو فايز سمعتها منه وسمعت ابو عادل ابدعوا في الإسناد والرد