يا سيـــّـد الزرقاء

سئلت مراراً عن الصورة في توقيعي هل هي لحر أم لباشق ؟؟

وأجيب : أنها صورة عقاب ، لا حر ولا باشق.

وللشاعر الفذ / خالد بن محمد الدعجاني ، قصيدة مشهورة في مدح العقاب يقول فيها:

يا عقاب مدري مـدح والبستـك اوشـاحوالا الـرمــوز يْحـلـهـا مـــن طـرقـهــا

يــا سـيّــد الـزرقــا تـعـلّـي ومـــرواحلـن سقتـهـا مــع قـبـة الـكـون سقـهـا

تـكّــي بـصــدرك للـذعـاذيـع وارتــــاحوافـلـج محـاديـب السـحـايـب وفـقـهـا

خـلّ السـواري عـنـك وانــزاح وانــزاحواعـلا مراقـيـبٍ عـلـى الـجـدي وقـهـا

مثلـك ليـا ستّـل جنـاحـه مــع الـضـاحوارخـى سمـار الريـش فــي معتلقـهـا

استسلمـت كـل الجـوارح لـمـن شــاحعـنـهـا وجـــدّد مـــن عـلّــوه رهـقـهـا

سيـفٍ لـيـا جــرّد عـلـى الصـيـد ذبّــاحومـوسٍ لـيـا نــاش الضـوافـي حلقـهـا

اهـــواي نـجــم وكفـخـتـك بـــارقٍ لاحوتكبيـرة المـيـت عـلـى الـلـي لحقـهـا

ومــا بـيـن مخـلابـك وفــلاج الاصـبـاحبـيـض الثـنـادي قـبـل يـرهــج علـقـهـا

زوعتـك سيـل وطعنتـك عَيْلـم ارمــاحمــن مخـلـبٍ والـيـا صفقـهـا صفقـهـا

لا ملـت شلـت ولا تواسيـت وان طـاحضـلّـك عـلـى كـبـد الـطـريـده فلـقـهـا

والا ليـا نشـت الخريـشـه مــن الــراحمــا كــن ربــك بـعـد تـدمــي خلـقـهـا

واليـا شلعـت وجـالـك صْـيـاح وطْـيـاحكـنّــك وكـــنّ الـلــي ذبـحـهـا وفـقـهـا

وصـف الاصيـل اللـي لـيـا لــز طـفـاحهــــذي تـوطـاهــا وهــــذي فـهـقـهــا

عـن بعـد ( حـر ) ولا تقاربـت (سـراح)وان جيت (عبد) اضنى (الحرار) وعتقها

واخطا عليـك مْسمـي الصقـر يـا صـاحالـحــر وانـــت الـحــر لـلــي فـرقـهـا

وشلـون حــر وجــذب راســه بْمـلـواحعيشـه علـى كــف الـرجـال وْعرقـهـا

وانتـه سنـدك عْضـود وصْـعـود وجْـنـاحوحــداد ســم الطـايـره فــي شنـقـهـا

مـــا ذلّـــك الـبـرقـع ولا ردّك صْـيــاحومن حيث ما تبغـى مـع الكـون سقهـا

أتمنى أن ترقى المشاركة لمستوى إعجابكم

عبدالله غنام يعطيك العافية على هذا التوضيح ونقل هذه القصيدة لاعدمناك ياغالي

ابوعزام الله حاليك انت وتوقيعك وعلى فكره

الصقور بانواعها ماتطلع وفي عقاب --

ومشكور على نقل القصيدة الرائعة

تقبل تعقيبي

قصيدة جميلة وفقت باالأختيار شكرآ بو عزام ويعطيك العافية

مشعل الفريدي

أخوي أبو عمر

ابو محمد


شكر ومقدر مروركم وتعقيبكم

ابو عزام

فعايلك فعايل حر

نظرتك نظرة عقاب

وصح لسان الشاعر

والف شكر لهذا التوضيح

دمت بود اخي العزيز واخي الكبير

بسم الله

ابو عزززززززززززززززززززززام
هالحين عرفت !
دايم تقول لنا يالصقور يالحرار وتنخانا!!!
واثر طيرك هذا عقاب !
والله انه حقيقة يخلعني عند مرورك ولا ادري وش السبب؟ هالحين عرفت
انتبهوا الاخوه اعضاء الاداره لا يفرفح واحد منكم ويقول انا حر انا انا ترى الطير المصيبه فوق!!

لك قبلتين
الاولى على تعريفنا بنوع هالمصيبه
والثانيه على القصيده المطنوخه مثل ناقلها وقايلها

وصح لسان الدعجاني عبّر بصدق!

والسلام

صح لسان الشاعر خالد الدعجاني

وبيض الله وجهك

على نقل القصيده

اخوي عبدالله

وتقبل مروري

يابعد راسي يابو عبدالعزيز

أضحك الله سنك

أنا والله من أشد المعجبين بشخصك وفكرك

والمثل يقول : " عسى طيبنا منا "

وأنا أقول الحمدلله أن طيبنا منا والحمدلله على جمعني بعلم مثلك

دم بالوجود

ابو باسل

صح بدنك يابيض الوجه

ولاهنت

شاكر ومقدر مرورك الراقي