بالمحبه .... يا اتصيب ....ويا تخيب

اخترت لكم هذه الابيات من ديواني عسى ان ترتقي لذائقتكم.
وتنال اعجابكم ..

طب علم النفس ..مابه لي طبيـبوالدواء المزعوم.... رجلـي والقبـر

الطبيب.. اللي ترك قلبي ..صويـبشـح فـي وصلـه.. ولاجـانـي خـبـر

كسرة الخاطر على الجرح العطيبكالزجاج ...اليـا انكسـر مالـه جبـر

ارسـل المكتـوب لاكـن مـا يجـيـبهو حيـاء فـي داخلـه..؟ والا كبـر!!

اكتبـه مــن دم قلبي...للحبـيـب!!!كيف صار القلب دمه لـي حبـر. .؟

لـو دريـت انـه يبـي غيـري صحيـبكـان مـا عنـيـت قلـبـي لــه شـبـر

وماشرهت بحب مقطـوع النصيـبوالـزمـان يــدور... والدنـيـاء عـبـر

بالمحبه...يـاتـصـيـب ..ويـاتـخـيــبمامـعـك ياخافـقـي غـيــر الـصـبـر

المشاركة الأصلية كتبت بواسطة نواف بن هلال

اخترت لكم هذه الابيات من ديواني عسى ان ترتقي لذائقتكم.
وتنال اعجابكم ..

طب علم النفس ..مابه لي طبيب=والدواء المزعوم.... رجلي والقبر
الطبيب.. اللي ترك قلبي ..صويب=شح في وصله.. ولاجاني خبر
كسرة الخاطر على الجرح العطيب=كالزجاج ...اليا انكسر ماله جبر
ارسل المكتوب لاكن ما يجيب=هو حياء في داخله..؟ والا كبر!!
اكتبه من دم قلبي...للحبيب!!!=كيف صار القلب دمه لي حبر. .؟
لو دريت انه يبي غيري صحيب=كان ما عنيت قلبي له شبر
وماشرهت بحب مقطوع النصيب=والزمان يدور... والدنياء عبر
بالمحبه...ياتصيب ..وياتخيب=مامعك ياخافقي غير الصبر

صح لسانك يابو وافي قصيدة ماتعه ورائعه
.
.
كل ابيات القصيدة تجاوزت في الروعة والجمال البيت القائل :
.
.
(( لو دريت إنه يبي غيري صحيب ... كان ما عنيت قلبي له شبر ))
.
لأنه يظهر أنك قادر أن تعني قلبك وأن لا تعنيه ,, والعاشق يقوده قلبه ويعنيه بغير إرادته ,
.
.
عندما تحررت هنا من قيود العشق انخفض منسوب الألم الذي يغذي القصيدة ,,
.
.
شكرا لك

اخوي
الشاعر نواف بن هلال
صح لسانك ولاهنت على القصيده الجزله كعادتك
وشكراً لك الاضافه الرائعه
تحيتي

القدير نواف بن هلال

ابيات جزله من اول بيت لاخر بيت


صح لسانك ودام تواجدك المميز

عبدالله بن راشد صح بدنك
انت دكتور المشاعر هنا ...
لك محبتي وتقديري

بو فيصل صح بدنك
نعتز بتواجدك ومرورك مشرف
لك اجمل اتحايا

عبدالعزيز االعبلان صح بدنك
ولا عليك زود لك جزيل الشكر على مرورك العطر
تحياتي

اخوي نواف صح لسانك مدد بلا عدد

قصيده جزله من شاعرٍ جزل تقبل مروري واعجابي لاهنت

ابو وافي صح الله لسانك

قصيده تستاهل تحيه مع وضع الثبوت ساعه

فعلاً رائعه ومن أعماق القلب

شكراً على الاضافه العطر والشعر الراقي

تحياتي وأشواقي

صح لسانك يانواف مازال لخضار القلب بقيه