قصة وفاء للجويعان

هذه قصيدة من أجمل قصائد الشاعر الكبير : شريف بن راكب الفريدي
وهي في احد اعلام شباب الفرده الشيخ : عبدالله بن عبدالعزيز بن هديب الفريدي
ولها قصة اذا امكننا فسوف نعرضها لاحقاً بإذن الله تعالى

قال الذي يختار من غال الاثمان = يترجم اللي في ضميره اليا حاك
والله لا اقول الحق ما هو على شان = لا قايلٍ عطني ولا قايلٍ هاك
لولا الردى يبقى راع الطيب ما بان = لقيت كل الناس هذا مثل ذاك
سمعت لي قصة وفاء للجويعان = واخاف لايطعن بها واحدٍ شاك
فعل الفريدي معجزة فكرة انسان = مايستهين بطمسها كود نماك
ما والله اتركها سدى دون عنوان = لا ابلّغ اللي بابهم دونها صاك
اخاف تمحاها الليالي والازمان = وتموت مع درب اختها يوم الاتراك
راح العفين وموقفه تقل ما كان = واخاف مثله يالجويعان ننساك
السالفه دره لها وسط بستان = ماهي على شاطي مصيّدة الاسماك
حاول على تخليصها طير حوران = داس الخطر واشرف على حوض الادراك
في ديرةٍ يوجد بها عدة اديان = ومن دونها الخط الحمر والتشرباك
ضحك على اللي بالدهاء يوهم الجان = مابين مد وشد واطماع وارباك
غطى صحاري المملكة باجمل الوان = وحط الورود الناعمه دون الاشواك
عند الحرم صوّر لهم برج الاسكان = ومطار من طيبه اليا طلعة الماك
سحرٍ قلب شرّه على راس من خان = والبادي اظلم عند تعقيد الاسلاك
كما تدين بسنة الكون تندان = وان شفت شي من ا لخطا فعل يمناك
عساك يا دارٍ بها ضعف الايمان = يدكها من والي العرش دكاك
يا علها تبقى مسارح وميدان = وتسفك بها ادماء كل من كان سفاك
اخذت روس اقلام من موجزٍ حان=ومحاور القصة لها ناس ملاك

ارجو من الاخوة تنسيقها شاكرا للمبادر

يستاهل الطيب
.
.
اتمنى تروى لنا القصة

يستاهل عبدالله بن عبدالعزيز الفريدي

وصح لسان الشاعر والعلم / شريف بن راكب الفريدي

قصيده تستاهل القراءه لمرات للستمتاع وأشباع الغريزه

لله دره

والف شكر لبويارا على الأضافه الرائعه والتي تشرف منتدانا

الشامخ

وتقبل مني التحيه والأحترام


همسه:- نتمى سردالقصه وكذلك لتوثيق

تسلم ابا يارا قصيدة راااايعة

صح لسان الشاعر العلم شريف ومشكور ابو يارا
على نقل الجزيل..
نتمنى سرد القصه وأيضاً قصة العفين بن وحري

وينكم. يارواه؟

أحبتي من اطل من خلال هذا المتصفح على تلك القصيدة
للشاعر العلم شريف
صحت ابدانكم نيابة عن الشاعر
والشكر موصول للاخ ابو عمر على التنسيق
دمتم جميعا بخير وعافية

صح لسان الشاعر الكبير شريف ولك الشكر ع الاضافه

صح لسان الشاعر الكبير شريف

ويستاهل الممدوح

ولاهنت يابو يار على النقل

تحيتي لك

صح لسان الشاعر العلم
شريف بن راكب الفريدي
ويستاهل الجويعان المدح بيض الله وجهه
ومليون شكر ابا يارا على الاضافه لاهنت