بــرلنقـو الدجـه وكيـــك المهــــابيل ..!!

برلنقو الدجــه .. وكيـك المهابيل ..!!،

ياليل لاتسأل عن اهل التعاليل

في غيرها هذا الزمان اسهرونا

أبل / هبل سحره عقول الرجاجيل

ومن نوكيا وايام عزه .. خذونا ..!

يكفي شعاره عن كثير التفاصيل

يشير بالقضمه .. لغلطة ابونا ..!

هم يزرعون ويقطفون المحاصيل

وحنا على ( ويش الجديد) اتركونا!!

الليل يقضي بين حدّث / وتحميل

عن سلم جلسات الرجال احرفونا

ماعاد يلزم بالمجالس معاميل

أهمها بالـ wi fi ..اشبكونا ..!

صرنا بعصر التقنيه والتهاويل

بـ ثنين من خمس الحواس احصرونا

صارت سوالفنا بطرق المراسيل

رغماً عن اْنف احساسنا..بلدونا ..!

باسم التواصل يقطعون المواصيل

وعلى مقاس عقولنا قسمونا .!

(الواتس) ماهو شين / و(تويتر) حليل

الضيم باللي عقبهن غربلونا .!!

ناس ٍ تجر اصواتها بالمواويل

وناسٍ بترويج السماجه بلونا .!

برلنقو الدجه وكيك المهابيل

اظهر خبال عيالنا..وافضحونا

خلف المشعان العنزي

صح لسان الشاعر على الابيات اللتي تحاكي الواقع

ولاهنت على النقل

تحيتي وتقديري لك