حــط الثــقه فــوق صــدرك يا الفريــدي وســام

السلام عليكم ورحمة الله وبركاته

الشاعر الكبير محمد بن حمد بن شعيبان

كانت له مشاركه رائعه في حفل النامي من الفرده

لتكريم الاستاذ / عبدالله بن زايد الفريدي بمناسبة تعيينه محافظاً لمحافظة القرى

ياعالم الغيب باسماك الحسان العظام=ابدا بجزل المثايل وتغنابها
وفك باب البيوت اللي تفك اللحام=راع النظر والمعرفه يحسب احسابها
واجب عليه لربعاً يكرمون الكرام=اللعزوة اللي تنومس من تعزوابها
يامرحبا وابرك الحزات مبدا الكلام=من ظامراً يقبل الجزله ويجزابها
حياكم الله على طيب النباء والمقام=ودلال رسلان تقعد راس شرابها
باسمي واسم لابةٍ وقت الشدايد حزام=النامي افعالها بالعز تسمابها
دعوة ولد عمي الوافي علي الحرام=تسوى رياجيل بلحاها وبشنابها
حبيت ابارك لعبدالله وفاء واحترام=يوم الثقة من ولاة الامر يحظابها
يابن مخيمر زهمت الحظ والحظ قام=مافيه شك المعاني زان هندابها
مبروك ترشيحك محافظ لحفظ النظام=بالدوله اللي يقام العدل بترابها
قد الثقه يا ولد زايد وقد المهام=بك تفتخر حرب حاضرها وغيابها
والشكر والفضل والمنه لمنش الغمام=هون لك الصعب والخيره فتح بابها
الله يوفقك ويهنيك والى الامام=من لاتعب للمراجل ماتهنابها
على مثل ما يقال النور يجلى الظلام=العلم طلابته تفحم له اركابها
هذي حقيقه جليه ماعليها كتام=اللي يبي الطيبه يبحث عن اسبابها
حط الثقه فوق صدرك يا الفريدي وسام=تلهد نفوسٍ نجاحك يحرق اعصابها
يفداك من لاتشيله للحميا عظام=راحت حياته وكلمة نعم ماجابها
يمسك مناصب ولايقضي لزوم الحشام=الواجبات المهمه ماتحفوابها
والا انت حراً معرب من خوال وعمام=تعرف حقوق الرجال وتعرف ادابها
علمك وذكرك يابو ماجد محل اهتمام=ناسٍ هدفها نقاوي وانته ادرابها
ربعك هل الطايله في حرب والا سلام=عيال راشد على الاخصام يدعابها
اهل الكرم والشيم والواجبات الجسام=امجادهم من يعد الحق يرضابها
وحرب الحرايب معطرة النمش والحسام=فعلٍ عليه الجزيره تشهد هضابها
وكل القبايل ونعم ولاعليهم ملام=اقدر افعالها واقدر انسابها
اهل السلوم الشريفه من جميع الانام=لاقيل فيها كلام المدح يزهابها
وآخر ما اقول الله يهنيك مسك الختام=من لاتعب للمراجل ماتهنابها

اخوي
ابو حمد
صح لسان الشاعر محمد بن شعيبان
ويستاهل الاستاذ عبدالله بن زايد الفريدي
المدح والتكريم وشكراً لك الاضافه الجميله الجزله
تحيتي

صح لسان الشاعر الكبير : محمد بن شعيبان
قصيدة جزلة عنوان وفاء من شاعر تعودنا منه الحضور المتميز في مناسبات الفرده
يستاهل ابو ماجد ونتمنى له التوفيق
كل الشكر والتقدير لك ابا حمد لاهنت

ابو فيصل
الف شكر على المرور الجزل لاهنت

ابو يارا سعدت بمرورك لاهنت ياغالي

محمد بن شعيبان شاعر الجزاله والحظور المميز
بحر يابن شعيبان صح لسانك مدد بلا عدد
ابو حمد أشكر سموك تحياتي

صح السان الشاعر القدير محمد
وتسلم يمناك على الايراد هنا يابو حمد

مبدع دائماً في كل جديد