قصيدة الشاعر صنيتان الطريسي بمفرح الفريدي

اعضاء ومتابعي مجالس الفرده الغالين... اسعد الله صباحكم ومساءكم بكل خير ,,,
هذه رائعة من روائع الثناء والشكر وطلب الفزعة قدمها الشاعر القدير (صنيتان الطريسي الحربي ) للأخ الغالي ( مفرح بن فريح الجويعان الفريدي ) يطلب منه الفزعة والمساندة في موضوع له بإحدى الجهات الحكومية...وكان كما توقعه وكما هو المعتاد من القيام بالواجب من قبل الاخ الغالي والشاعر القدير ايضا ( مفرح بن فريح بن هديب الفريدي) وانهاء موضوع الشاعر صنيتان الطريسي .فبارك الله بجهود الاخ الشاعر مفرح بن فريح (والذي لديه روائع شعريه كم تمنينا أن يتحفنا بها أو يسمح لنا بنشرها ) وصح الله لسان الشاعر, واليكم القصيدة:-

يهاجس الشعار عطني وانا اعــــــطيك
خابرك لا دقت هواجيسي الــــــــــقاك
والله مالك غير بالشعر نـــــــــــرضيك
اشره على اللي كان بالشعر مارضاك
سلام يمن يرفع الراس طــــــــــــاريك
يافزعة اللي من ظروفه تــــــــناصاك
بقسى الظروف وصعب الايام ناصـيك
الله لا يخيب رجاء من تـــــــــــرجاك
واطلب عسى ربي يمد بــــــــــــــليالك
لعلنا ما نسمع بيوم فــــــــــــــــــرقاك
رجاي بالله ثم يافــــــــــــــــزعتي فيك
وانا نصيتك دون ذولــــــــــى وذولك
يومٍ وقتي حدني جيت نـــــــــــــاخيك
ولأخاب منهو يالجويعان يـــــــــنخاك
يامفرح بن فريح ربي يــــــــــــــعافيك
قل تم باللي جيت له لا عــــــــــدمناك
ابيك لصنيتان تبذل مـــــــــــــــساعيك
ابذل مساعيك الحميده لـــــــــــشرواك
والطيب والله ناصية من نــــــــواصيك
والكامل الله كامل في مــــــــــــــزياك
وحده من الثنتين قلها وانا اوحــــــــيك
عسى صواديف الليالي تــــــــــــعداك
جهدك ومجهودك وجاهك يـــــــهقويك
والطيبة تحصل عليها بـــــــــــــيمناك
وعساه تفداك الرخوم الــــــــــصعاليك
اللي ليحاصل التصادم تــــــــــحاشاك

الشاعر/صنيتان الطريسي

صح لسان الشاعر صنيتان الطريسي..

ويستاهل أبو عبدالمجيد ولاهو غريب الطيب من أهله ..

وأشكرك أخوي على النقل ..

تسلم أخي الغالي
صالح الفريدي
واشكر لك الثناء والشكر,ودمت بخير

هلا فيك أخوي الزائر إذا تسمح لي أعدل طريقة عرض القصيدة....
وتقبل مروري ...

ياهاجس الشعارعطني وانا اعطيك=خابرك لا دقت هواجيسي ألقاك

والله مالك غير بالشعر نرضيك=اشره على اللي كان بالشعر مارضاك

سلام يامن يرفع الراس طاريك=يافزعة اللي من ظروفه تنصاك

باقسى الظروف وصعب الايام ناصيك=الله لا يخيب رجاء من ترجاك

واطلب عسى ربي يمد بياليك=لعلنا ما نسمع بيوم فرقاك

رجاي بالله ثم يافزعتي فيك=وانا نصيتك دون ذولا وذولاك

يومٍ وقتي حدني جيت ناخيك=ولاخاب منهو يالجويعان ينخاك

يا مفرح بن فريح ربي يعافيك=قل تم باللي جيت له لا عدمناك

ابيك لصنيتان تبذل مساعيك=ابذل مساعيك الحميده لشرواك

والطيب والله ناصية من نواصيك=والكامل الله كامل في مزاياك

وحده من الثنتين قلها وانا اوحيك=عسى صواديف الليالي تعداك

جهدك ومجهودك وجاهك يهقويك=والطيبة تحصل عليها بيمناك

وعساه تفداك الرخوم الصعاليك=اللي إلياحصل التصادم تحاشاك

صح لسان الشاعر
صنيتان الطريسي ويستاهل مفرح الجويعان المدح
وسلمت اخوي على الاضافه لاهنت

ونعم والله وسبع أنعام بأبو عبدالمجيد

يستاهل المدح ,,

ولا هنت الزائر على النقل الرائع فقد امتعتنا بهذه الابيات

صح لسان الشاعر صنيتان الطريسي
ويستاهل مفرح الجويعان المدح
وشكرا لك أخي الزائر على النقل

أخي الغالي
صالح الفريدي سلمت اناملك على التعديل وبارك الله فيك والمعذره حيث انني من الرعيل الأول ممن لايجيد الكتابة الابالسبابه ...لذا هي اقصر أصابعي من استخدامها للكتابه.

أخي الغالي ابو احمد
أخي الغالي فهد الطميشا
أخي الغالي الطميشا
اشكر لكم مروركم وثناؤكم وابو عبدالمجيد كفو ويستاهل وثناؤكم تشريف ...ولكم خالص دعواتي وتحياتي.

صح لسان الشاعر

ويستاهل مفرح الفريدي

ولاهنت يالزائر على النقل وبنتظار مشاركاتك المميزه

تحيتي لك