ماودي ان الزمن والبعد ينحابك =ويصير طعم اللقاء والبعد متساوي

يا قلبي احزم ضلوعك واحسب احسابكالبعـد رحلـة حــزن والـشـوق مـايـاوي

لاسـالـت دمــوع عيـنـي ودع احـبـابـكقدمـك طريـق الرحيـل وذيبـه الـعـاوي

يــاالله يـافـارج الكـربـه عـلــى بـابــكتفـرج لمنـهـو مـشـاه ولا لــه مـخـاوي

دمع الغـلا مـع رمـوش العيـن متشابـكويفوح من جمر صـدري عـوده الجـاوي

ياصاحـبـي طـالـبـك لايـبـطـي غـيـابـكصاحبك ماهو علـى طـول البطـا قـاوي

مــاودي ان الـزمـن والـبـعـد ينـحـابـكويصيـر طعـم اللقـاء والبعـد متـسـاوي

وقـت الرخـا لايـغـرك كـثـرة اصحـابـكمادامـهـا صـحـبـة هـلالــي ونـصــراوي

احيان تلقى الجحود مـن اقـرب اقرابـكيضيـق فيـك الفـضـاء لـوانـت دهــلاوي

ماكـل صحبـه ثمـرهـا يـنـول لاعجـابـكولاكــل راعــي دلال يصـيـر ظـلـمـاوي

وان فـات وقـت العتـب ماينفـع عتابـكخذ زبدة العلم.. والعهـده علـى الـراوي

الشاعر والإعلامي المعروف - رشيد الفريدي

نشرت على جريدة الجزيرة امس على هذا الرابط
http://www.al-jazirah.com/2013/20130315/tr5.htm

لله در ابا عبدالاله
على هذه القصيده الشامخه مبدع دائماً لاعدمناه
ابو صالح مليون شكر وبيض الله وجهك جهود مميزه لاعدمناك

قصيدة من اجمل القصائد
صح لسان ابا عبدالاله اطلعت عليها ووصلتني بتويتر فكانت من اجمل ما وصلني
شاعر اعلامي ذو مبدأ نزيه ارى ان يستفيد منه الشاعر المبتدي
شاعر حاضر اعلاميا يُشرف القبيلة بحضوره وتواجده في الساحة الاعلامية
جعل من اسم الفريدي رمز واعتنى بما يقدمه للقاري و المتذوق للشعر النبطي
صح لسانه ودامت ايامه ...
والشكر موصول لصاحب الابداع ومشعل المجالس ابا صالح على تشريف المجالس
بمثل تلك القصيدة

صح لسان الشاعر المخظرم والاعلامي ابو عبدالإله
والف شكر لك مشعل مجالسنا المميز مشعل بن مطيع

تقبل مرور ي واعجابي