ياعلني مااسمع بضيمك ولا انعاك

اولاً اتأسف عن الغياب الطويل عن هذا الصرح العزيز علينا جميعاً واتمنى قبول العذر
وها أنا عائد إليكم بقصيده اتمنى ان تنال إعجابكم

لوطال بعدك يالغلا كيف انا انساك=ياكيف ابا أسلا والفكر سجته فيك
والله لو تدري عن الحال ماارضاك=لاكن حالي ياهو البال خافيك
كل ا لبلاوي ذقتها بعد فرقاك=والدمع يكويني ليا حل طاريك
تبغى الحقيقه من صدوقن تمناك=حقيقتن تزعل علا شان ترضيك
ماحدن وطت رجله على جرة خطاك=ولا احدن بحبه في خفوقي يضاهيك
الحظ قلي وين ساقك ووداك=عسى الستر كاسيك من جود واليك
وعسى السعد من وين مارحت ينصاك=يامن ملكت القلب من دون تشكيك
ياعلني مااسمع بضيمك ولا انعاك=وياعلني مااسمع علومن تدنيك
هاذي قصيده قلتها حين ذكراك=مضمونها عن لهفة القلب ينبيك
نبذه بسيطه ماتعادل مزياك=لو ان مابالشعر وصفن يوازيك
ياالي رحلت وحكم الأقدار نحاك=صوب المكان اللي عن العين مخفيك

وسلامتكم

اخوي
الشاعر صالح بن نغيمش
صح لسانك ولاهنت قصيده اعجبتني جداً عوداً حميداً
وشكراً لك الاضافه وننتظر جديدك
تحيتي

الشاعر القدير : صالح
قصيدة جزلة من شاعر مبدع تعودنا منه جزالة المعنى
تقبل وافر التفدير

الشاعر صالح عوداً حميداً ياهلا ومرحبا صح لسانك قصيده جزله بيض الله وجهك.

الأخ / غازي ابوزوايد صح بدنك وشكراً على انطباعك وشهادتك شهادة شاعر وناقد وابن عم لذلك
لذلك نقدرها ونقدر صاحبها
الأخ/ منصورالوسوس صح بدنك .. وما انا إلا قطرةً من بحرك
الأخ / ابوحمد الله يسلمك وصح بدنك والله يجملنا مع الي
مثلك وشرواك


تحياتي لكم جميعاً

عوداً حميداً صح لسانك

ونتمنا منك المزيد


تقبل فاىق تحياتي

الله....... صح لسانك ملايين
ماحد وطت رجله على جرة اخطاك
ولاحد بحبه في خفوقي يضاهيك
ابداع مقطوع النظير
لك اجمل تحيه اخوي صالح

الأخ / علي محيميد صح بدنك والله يسلمك من كل شر ...وشكراً على مرورك

الأخ /نواف بن هلال صح بدنك وشكراً علي علي مرورك الرائع وشهادتك وسام على صدري ..

ولكم مني خالص التحايا والتقدير

الشاعر صالح عوداً حميداً ياهلا ومرحبا صح لسانك قصيده جزله بيض الله وجهك

تقبل أجمل التحايا

ماحـدن وطـت رجلـه علـى جـرة خـطـاك
ولا احـدن بحبـه فـي خفوقـي يضاهيـك



الحمدلله على السلامه

صح السانك وبيض الله وجهك