جور الزمان للشاعر .. سعـــدان بن عــابــس الرشيدي رحمه الله ..

يـا شاكيـاً جـور الـزمـان وجحيـمـهيـا مـن كـواه بميسـم الوقـت همـه

شكواك نـوب مـن الهزيمـه هزيمـهكـف الشكـا والسـر بالصـدر ضمـه

ليا ونست من دنياك ظيم وهضيمهوضـاق المـجـال بـكـل فــج ويـمـه

واحترت والحيـلات صـارت عقيمـهاجمـع شتـاتـك فــي بيـانـك ولـمـه

واشتك على محيى العظام الرميمهشـكــواً لـغـيــر الله ذل ومــذمــه

النـاس لوشفـت المظاهـر وسيمـهيـا قـل مـن حـالـك وهـمـك يهـمـه

تغـيـرت بـعـض الامـــور القـديـمـهحتـى القريـب يهـون لحمـه ودمــه

راحـو مسنـيـن السـلـوم السليـمـهتسعيـن بالميئـة مـن الـحـي رمــه

نـاس لهـم بالغـش والغـدر شيـمـهعاشو على همـزه وكسـره وضمـه

هــذا زمــان الزركـشـه والنميـمـهياصـاح وانـت بـمـا تسمـيـه سـمـه

تـحـوم بحـمـاه الضـوامـي محيـمـهوتمسـي ضمايـا فيـه والبيـر جـمـه

وقــت خبـايـاه الوخيـمـه وخـيـمـهبكمـه وصمـه غيـر بكـمـه وصـمـه

وين الصديـق اللـي غريمـك غريمـهالـلــي تـخـصـه بـالامــور وتـعـمـه

فعلـه وطيـب جبلتـه مـن صميـمـهراع الـمـواقـف بـالامــور المـهـمـه

الـلـي يـطـوع راسـهـا بالشكـيـمـهمواقفـه تجلـى عــن الــروح غـمـه

يالله يامـن صــار مـوسـى كليـمـهيافـالـق عـنــه الـبـحـور المـطـمـه

ياحافظـه مـن سـو غـدر الجريـمـهوبـالـيـم تـابـوتـه حفـظـتـه بـيـمـه

تفـرج لمـن كــود الليـالـي يضيـمـهوفـكـره يـتـوق وكــل فــج يخـمـه

مشغـول بالـه عـن مـنـادم نديـمـهممـا يحـسـه فــي خـفـاه ويضـمـه

وجــل يجـاهـد حسـرتـه بالعزيـمـهيـوم أن لــه مـبـدا وهـقـوه وهـمـه

للحـق مــا نـقـص لـلاجـواد قيـمـهحـي الضميـر وفيـه رحـمـه وذمــه

لياغـط نـور الحـق خـطـو الهليـمـهاللـي تناسـى سـلـم خـالـه وعـمـه

خطو الخمام اللـي سـوات البهيمـهاللـي يــزوم وكـبـر نفـسـه يـزمـه

خبـل يحـسـب أن المكـابـر غنيـمـهمـا يـدري أنــه ينقـصـه مــا يتـمـه

للشاعر سعدان بن عابس الرشيدي رحمه الله ..

صح لسان الشاعر
وسلمت ابو عبدالله على الاضافه الجزله لاهنت

مشكور ابو حمد على المرور الطيب ..

صح لسان ابن عابس الرشيدي

على القصيده الجزله والمميزه بالقافيه

وتسلم ياذعذاع على النقل الجزل

الله يسلمك ..