حال الناس... نايف بن مياس

اشوف حال الناس مأمن جدايد=الوضع مثل العام واللي ورى العام
هرج القفى بين المخاليق سايد=لوكان ماهو من تعاليم الأسلام
تولد على الفطرة جميع الولايد=مثل الحجيج اللي تلبي بالإحرام
ويلقى بكنف الوالدين الفوايد=والمجتمع يثر عليهم والإعلام
يصير قايد كان مجناه قايد=وكانه قزم يمشي على نهج الأقزام
واحيان عن مجناه ناقص وزايد=يا ما اعتلى في قمة المجد الأيتام
صاروا تلاميذ المحن والشدايد=وداسوا عراقيل الزمن تحت الأقدام
ماينفع الرجال عيش الرغايد=لاصار ماهو للمواجيب مقدام
من يسهج المشروه ماله نقايد=لوحط بالمجلس مقهوي وخدام
وش عاد لو جابوه وسط الجرايد=مايرفع الهلباد تمجيد الأقلام
تكشف لك الايام والزيف بايد=شتان مابين الحقيقة والاوهام
ولا اقول انا عن باقي الناس نايد=امشي على منهج تقاليد وأحكام
حنا على السنه طبوع وعقايد=نحق حق وننصر الحق لا انضام
لأكن عن الدرب المتوه نحايد=قبل نعض من الندم راس الإبهام
وإلا القصايد لو بغيت القصايد=اسوقها قدام بعنان وخطام

نايف بن مياس

صح لسانك قصيده تحكي واقع نعيشه

شكرا على الاضافه

لكن التنسيق قلل من جمالها

أتمنى الأهتمام بالتنسيق ولك مني التحيه

صح لسانك يا نايف قصيدة رائعة ..

بوركت

صح لسانك يبن مياس
جزله من شاعر جزل
تقبل وافر التقدير

هذا حال الناس فعلاً للاسف
ولايترك هذا الاسلوب الا من خشي على نفسه من لسانه
صح لسانك ابن مياس

صح الله ابدانكم حميعا شكرا لمروركم

صح لسانك

قصيده جزله من راس جزل بيض الله وجهك

فيها ابداع شعري
تحية طيبة لك

صح ابدانكم جميعا

بن مياس هذه الماس
صح لسانك