الشاعر سعود جمعان المطيري من الشعراء المبدعين
وقد حصل له موقف مضحك قبل فترة قصيرة
يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
وهو يتشكى كان مركز بعيونه على سعودجمعان
قال له سعود هالأبيات:
|
|
يا ابن الحلال اللي تشكى عليناحنّا لنا بوضع على الله مشاكيه |
كانـك تحـرى للعطـا مـن يدينـاعزالله إنك عندنا ما أنت لاقيـه |
ماهو ردى بس أرثع الوقت فيناماعندنـا ماناكلـه دون نعطـيـه |
|
ومرة كان سعود جالس بمجلس
وكان فيه شيخ يحدث ويقول من ضمن الحديث إننا بأعظم نعمة بتاريخ البشرية
قال له سعود : ياشيخ أنا عندي مداخلة
قال له الشيخ تفضل
قال سعود هالأبيات:
|
|
ياشيخ ......الضحـى فـوق ثوبـكوانته تروغ عن نحـور الصواريـخ |
النعمة اللـي بـس ياشيـخ دوبـكماتحسـب أكبـر نعمـة بالتواريـخ |
وإن كان هـذا بالتحـدث أسلوبـكفعز الله إنك لقطة غليس ياشيخ |
|
وزماااااااااااان كان سعود طالع من المسجد ولقى وحدة رافعة يدها وتشحذ عند الباب
قال لها سعود:
|
يابنت ياللي بالمساجد تطوفيـنكفـي يدينـك قبـل نأخـذ ريالـك |
حـنـا تـرانـا كلـنـا مستحـقـيـنماهو أنتي اللي مستحقة لحالك |
لو لا الحيا شفتي وزانك ثلاثيـنأحد يميـن منـك وأحـدٍ شمالـك |
مرفعـيـن إيدينـنـا ومتقـاعـيـنالموجب إن أحوالنا مثل حالـك |
|
ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري
|
أنــا لقـيـت البـنـك مـثــل اخـويـايـهمايقضـي الحاجـة إلـى جـاه محـتـاج |
أمـس الضحـى مريـت كـل زمـلايـهوكـلٍ عطـى لــه بالمعـاذيـر منـهـاج |
وضنيـت باقـي فـي رصيـدي بقـايـهوحركت نـاصٍ حـارس البنـك هجـاج |
ودقيـت رقـمـي صــح مـابـه روايــهطلع على الشاشة : لا داعي للإزعاج |
|
وسعود ما عمره دخل البنك لأنه يقول
|
يا أهـل الوظايـف قولـوا الحمـدللهعلى معوشتكـم ولـو رزقهـا ضنـك |
أنـا وجنسـي رزقـنـا لــو وصفـنـاهحوذ الحنك مافيـه زودٍ عـن الحنـك |
ماطـاح قـرشٍ فـي يدينـا قرشنـاهودايم طفارى الله يجيـرك ويامنـك |
البـنـك لـــولا لـوحـتـه ماعـرفـنـاهمن قل ماندخل على موظف البنك |
مـاغـيـر نـقــرا لـوحـتـه ونـتـعـداهوإن قيل هذا البنك قلنا اتركه عنـك |
لاوا هـنـيــك يـالـغـنــاوي هـنــيــاهتـرقـد وحـنــا بـالـدراهـم نـمـونـك |
نفرح إلـى مـن المعـاش استلمنـاهويـهــج مـنــا قـرشـنــا ويـتـزبـنـك |
والله يالوتصـرف ربــع ماصرفـنـاهليصيبك السكر مع الضغط والتنـك |
ولـولا جهدنـا وجهدنـا اللـي بذلـنـاهماتنـفـخ ذروبــك وتـمـلأ مـخـازنـك |
ميـر المـقـدر مالـنـا غـيـر نـرضـاهمرزقك منـا وسقمـة أرقابنـا منـك |
|
طبعا والشاعر سعود جمعان المطيري
هو صاحب القصيدة اللي يرددون الناس بيتها الأول دايم
والقصيدة هي
|
لاصـار جـدك ماتـرك لــك ملايـيـنماهـوب لازم تشتـري لــه ضحـيـه |
قل له ياجدي جعلك مـن المناجيـنوالله ماتـسـوى قـيـمـة البـربـريـه |
عقبتـنـي للـديـن ومـصـارع البـيـنومن زين طبعك كاتبٍ لك وصيـه؟ |
لو أنت ما أخذ لك من الخد حوشينيـوم الأراض بـلاش وســط العلـيـه |
إن كان تلقاني مـن أهـل الدكاكيـنمطـنـطـخٍ هالـحـيـن مـيــة بـمـيـه |
لـكـن يـاجــدي ضحـيـتـك بـعـديـنإن سـهـل المـولـى ثمـنـهـا عـلـيـه |
حنا بوقتٍ شين وأشين من الشيـنفيـه الـخـوي مـاعـاد يـاثـق خـويـه |
|
منقول
سعود جمعان المطيري 
العرض العادي
