مايفيد النصح في عشق الصقاره

ايها الاخوه أعجبتني هذه القصيده وأحببت نقلها لكم

مات طيري مير كيف القـى بديلـهصافي(ن) لونه ومغتر فـي حَمـاره

اشهـد ان حــلاه نــادرة(ن) قليـلـهالقطـوع الطيـبـه غـيـر السـطـاره

جوهر(ن) عايز وممسوح(ن) شليلهومن مجسه ما يغطـي الكـف زاره

والقحوف تقـول غيـران(ن) ظليلـهغيـر بـوز(ن) ضمتـه فيـهـا جـبـاره

والمناخـر بيـت نمـل(ن) لـه نثيـلـهلو تعـرض للهواء مـا خلـف طيـاره

والله إني مبطي(ن) عن هالفصيلهيختـلـف بالـزيـن وشـويــة نـــزاره

ما يهاب الخـرب لـو كـوش يشيلـهصامل(ن) فعله ومع فعله شطاره

يلحـق اللـي تختـفـي يــم المخيـلـهلو تروح مـع الفضـا كبـر الشـراره

زين طلعـه لـن بـدا راس الطويلـهصادق(ن) بالطلع لو هـو فالغمـاره

مـن يقـول الطيـر كـبـه لا تشيـلـهمـاوراه الا التعـب هــو والخـسـاره

ولو يفيـد النصـح بقلـوب(ن) هبيلـهمايفيد النصح في عشـق الصقـاره

والختم صلوا على راعـي الفضيلـهالرسول اللي شـرع ديـن الطهـاره

مسند مازن الميزاني

صح لسان مسند الميزاني
ولاهنت يابوفيصل

على النقل الجزل

تحيتي لك

صح لسان الشاعر مسند الميزاني
وسلمت ابو فيصل على الاختيار الجزل لاهنت

لاااهنت يابو فيصل على النقل