نجم الجدي........نايف بن مياس

مرحبا يامنوة القلب يانوره=يامقدي تايه الدرب ياجديه
راسمٍ لك في خيال الهوى صوره=والغلا بين الضماير نسج سديه
انتبه لي حالي اليوم مخطوره=مثل طفلٍ فاطمينه يبي ثديه
المولع راعوا ارياه وشعوره=لايجاوب نايح الورق في شديه
اتق اللي كافل الرزق لطيوره=عايدات بطان وخماص بالغديه
قال طيعوا كل حاكم على جوره=كان ماينهى رع الدين عن هديه
ماتجمع راحت الناس والثوره=وانت صبري تحت حكمك بلغ مديه
ليت مشكلتي بلاهاي منضوره=يمكن انه يسرع الوقت في عديه
يحصرون اخطاك واخطاي محصوره=وكل واحد يجحد الحق من رديه
اعترف لك كان زليت بسطوره=وانت راجع صفحة الحب من بديه
واعتذر لك واهل الحب معذوره=وانقش بيوت القوافي على كديه
انت شعري في معانيه وبحوره=من بسيطه والهلالي على حديه
والبشر لوكل واحد عرف دوره=كان ما احدٍ وسط مكه ذبح فديه

نايف بن مياس الفريدي

ابو أرجوان

عودناً حميد والحمد لله على السلامه هالغيبه

ومن طول الغيبات جاب الغنايم

وصح لسانك على القصيده الرائعه

تقبل مني أجمل التحايا وهلابك عزيز وغالي

في مجالس ربعه يفيد وستفيد

ابو ارجوان صح لسانك وعلا شانك
قصيده جزله وننتظر المزيد وياهلا ومرحبا مليون

صح لسآنك وصح منطووووقك ملايين
قصيده رآآآئــعه وأبيآتهآ جزله
أبـــدآآآآع بمعني الكلمه
بيض الله وجههك وتسلم يمنآك
الله لايهيينك....ْ~

علي الجضعان
ابو حمد
الطرف الخجول
صح الله ابدانكم جميعا