رساله و رد

ارسل لي الشاعر مرضي رويعي الوهبي
هذه الابيات الموضوعية مع قلة عدد ابيات وصعوبة القافية في الصدر
والعجز والقصيدة الموضوعية دائما ماتكون قافيتها سهلة لكثرة تطرقها
وتناولها للموضوع الا انها رؤس اقلام عن مايدور حولنا
هو يقول

الـعــذر لـــك يـاصـاحـبـي والـسـمـوحـه=نخطي وناطا ماوطت به اخطانا
راح الضـحـى مابـيـن جـيـه وروحــه=عــسَـــاس ســحـــبٍ سـيـلـهــا مــاوطــانــا
والـدار شـح مـن اليـديـن الشحـوحـه=وقـل العطـاء يـوم ان ربــي عطـانـا
واللـي يبـي المربـاع ماهـو بشـوحـه=الوقـت مـسـرع والبـطـاء مــن بطـانـا

لاحظوا القافيه في آخر شطر ط ا ن ا
هنا وجدت انه لابد من استئصالها لتوصيل الفكره

ياصاحبـي ليـه العـذر والسموحـه=دام الخطـا بالكـون ماهـو خطـانـا
عنـدك كـلام بخاطـرك لـي تبـوحـه=يأكبـر عبيـط فـي قصيـد أعبطانـا
والشعر تجسيده وعمـره وروحـه=يُطـرق ليـا مـس الحقـب والبطانـا
طـرقـه وتبهـيـره وطبـخـه وفـوحـه=عــن بـئـر مـانـا لا كشفـنـا غطـانـا
واذا حصرت القافيه في ارجوحه=تـغـدو خِمـاصـاً لــن تــروحُ بِـطـانـا
والا فمضمون الكتاب ووضوحه=بــه مايـبـيـن شـوفـنـا مـــن عـمـانـا
اليـا لقيـت بجـرهـد الشـعـر دوحــه=كـنــك ملـكـتـه مـــن تـبــوك لعُـمـانـا
السـيـل غـطــاه الـبـحـر بالمـلـوحـه=بحر الخليج اللي يجي من ورانـا
اهــل الخلـيـج مربعـيـن بسـفـوحـه=ذاقــــوا حــــلاه وقــلــل الله حــلانـــا
البرق لاح ويمة الشرق ضوحه=وحـنــا لـــك الله مـايـدنـدن سـمـانــا
الله احد ياهل النفوس الشفوحـه=لـو نعـرف اعـدانـا ونلـحـق هـوانـا
اسـلافـنــا خــطـــوا لــلايـــام لــوحـــه=مُعـلـن بـهـا لأحفـادنـا عـــن ولانـــا

صحة السنكم على المساجله

الرايعه و لاكن قصيدتك تصعب قراتها لخفوت

الخط زياده عن الازم آمل التوضيح

ولك الشكر دمت في رعاية الله

صحت السنتكم
اسناد رائع ورد اروع
مليون شكر يابو وافي لاهنت

اخوي علي ومراقبنا العزيز ابو حمد اشكركم على مرورهم الرائع
لقد عرضتها على مجلس التقييم بعد مرور أحد المشرفين ورده انها لا أو لن تفوت على الرادار والحقيقة
اختفى في مجلس التقييم ولم يبدي رايه .
حيث أصر بعض الاخوه على بقائها وبقوه
اشكركم على مرورهم العطر ولكم أجمل تحيه
والى كل من شارك