الله من هم بلاعماق مخفيه . محمد الاحم

الله من هم بلاعماق مخفيه=خيم على مكنون قلبي وكادي
لو هو بحيد ذاب من حر صاليه=وخلا جلاميده هشيم رمادي
يا عين هللي صافي الدمع هليه=واسقى لعطشان الثرى بالريادي
يا ناشد اللي زايد الغبن باريه=أنبيك عن ما صار كان انت غادي
للغرب قلبي ما سمع صوت داعيه=وللشرق قلبي سمع صوت المنادي
متذكر غال على البعد ناحيه=لو حال من دونه ديار بعادي
حق على الحق فوادي مشاهيه=برضاي حاديني من الشوق حادي
يا ناس خالد ما سلى القلب ناسيه=وعيني محاربها لذيد الرقادي
عنها لذيذ النوم همي يناحيه=يحداه عن موق النظيرين حادي
من غاب قلبي زايد البين كاويه=فكري معه والقلب باسماه شادي
فيما مضى ما يشده البال كاميه=وصبرت صبر ما قواه المهادي
اقسمت باسم اللي حبيبه يناجيه=اني للحق شف قلبي مرادي
أروح يم اللي بلاشك نغليه=مالي على فرقاه صبر وجلادي
أرجى عسى رب السموات يبريه=وعسى لها من خالق الكون هادي
ما خاب منهو باعظم اسماه راجيه=رب الفضا محصى جميع العبادي
قالو تحبه قلت بالروح نفديه=الشاهد الله كل هرجي وكادي
دايم يصور لي على البال طاريه=غال إليا شفته يربع فوادي
يفز قلبي كن عيني تراعيه=وعندي على كل المخاليق بادي
جيته وشفت الطيب بأنت مواريه=وارتاح قلبي عقب غبن ونكادي
واليوم قلبي مكننه عراويه=وشيدت رايات الفرح بالمبادي
بالضحك قلبي جاوبنه محانيه=وغذاه من عقب اللهيب البرادي
الحمد لله غالي شاف غاليه=وشفنا بشير الخير والشر غادي
وداعة اللي كل الإسلام ترجيه=مجري غزير المي في كل وادي

محمد الأحمــد الســـــــــــــديري رحمه الله ..

رحم الله الامير محمد الاحمد السديري
وسلمت ياذعذاع على الانتقاء لاهنت

مشكور يابو حمـــــــــد ..

ذعذاع
بـآآقـة..مـن..أرق..ع ـبـآآرآت..الششكر
لهـذآآ..الع ـطـآآء..المتميـز..والأنتقـآ آء..الرآآقي
أنتـظر..ج ـديـدكـ
ودي

أشكرك على أمتاعنا بهذه الروائع لهؤلاء الشعراء الكبارالرموز(رحمهم الله) وعلى رأسهم الأميرمحمدالسديري الذي أثرى التاريخ بروائع شعريه خالده بالأذهان ,
وتقبل مروري وتقديري

رحم الله الامير محمد الاحمد السديري
وبيض الله وجهك ذعذاع الشمال
على النقل والانتقاء الرائع
وتقبل تحياتي وتقديري

ياهلا فيكم ..