يامعذبي بالحب للراحل الامير محمد الأحمد السديري

قلت خطا كانك تمشيت برضاي=واخطيت كانك ما مشيت بهوايه
يا نور عيني وأنت صبحي وظلماي=يا فرحتي يا سلوتي يا ضحايه
يا معذبي بالحب يا قدوة اهداي=يا روح روحي يا رجاي وعمايه
ياللي لي اغلا من قرايب دناياي=ياللي ودادك ساكن في حشايه
ياما لقربك زادت الرجل بخطاي=وياما توطيت الخطر من خطايه
يمناك وان شفتك تصافح ليمناي=يسوقني من يم قربك هدايه
وياما تناديني شفاتيك باسماي=هرجك مثل وحي نزل من سمايه
يا سراجي الوضاح في كل مسراي=ويا غاية عندي سوت كل غايه
انت المرض وانته سبب داي ودواي=وانت الخطر وانته سبب كل سايه
وش لون تنسى يا ريش العين لاماي=عقب الغلا وشبك تكدر صفايه
انخاك يالبراق يا عمير مشكاي=على الذي بالود جدد عنايه
من جور حبه بالهوا عمست ارياي=كني ببوه مسويلي جنايه
هو كل همي في منامي ودنياي=حجاب لقلبي عن عناي وظمايه
وش حيلتك يا منتهى كل شكواي=ان صار مالي غير جوده حمايه
حي نهب روحي وشتت نواياي=عنده مرض قلبي وعنده دوايه
طفل سلب عقلي وهو دخال حماي=مستصعب جنب طريق الهدايه
كشف لعدواني خفايا خطاياي=وفرح على مكنون عقلي عدايه
الله لا يبلي صديق ببلواي=ومن نور عيني لا يخيب رجايه
ياجاهل صبري على الحب ما قواي=ويا عمير للعذال عندي عصايه
كل يحب ولا وصل راس منهاي=يا عمير والله ما لحبي نهايه
القلب من جور الهواء ينزف دماي=ويا شن بقلبي لو تبيح خفايه
متى نواجه قرة العين مشكاي=يقفي شقا قلبي ويقبل هنايه

**********
محمد الاحمد السديري رحمه الله

صح لسان الشاعر
محمد الاحمد السديري
وسلمت ياذعذاع على الانتقاء الرائع لاهنت

مشكور ابو حمد

صح لسان السديري
وسلمت يمناك ذعذاع الشمال على النقل الأكثر من رائع

اخوي
ذعذاع الشمال
الله يبيح منا ومن الامير محمد السديري
ولاهنت على النقل الجزل
تحيتي

ياهلا بك ابو الرجال ..

آمين ..


ياهلا بك وغلا يابو فيصل ..

ذعذاع
بـآآقـة..مـن..أرق..ع ـبـآآرآت..الششكر
لهـذآآ..الع ـطـآآء..المتميـز..والأنتقـآ آء..الرآآقي
أنتـظر..ج ـديـدكـ
ودي

أشكرك على أمتاعنا بهذه الروائع لهؤلاء الشعراء الكبارالرموز(رحمهم الله) وعلى رأسهم الأميرمحمدالسديري الذي أثرى التاريخ بروائع شعريه خالده بالأذهان ,
وتقبل مروري وتقديري

هلابك خيال