أمطرت عشق وغلا وأمطرت حبٍ جديــد = كنّهـا معروف جتنـي وحسنه وصدقه ..... لافي الغيداني

السلام عليكم ورحمة الله وبركاته
إليكم هذه القصيده للشاعر الكبير / لافي الغيداني
أرجو أن تنال إعجابكم ورضاكم


أمطرت سحـابة الحب وأمطرت القصيـد
مرحبــــا ياكثــــر مامـت لهفــــه وشفقـه

أمطرت عشق وغلا وأمطرت حبٍ جديد
كنّهــا معروف جتنـــي وحسنـه وصدقـه

أزهرت ريضــان جـوفٍ لهـا مـدّه هميـد
وكل ضلــعٍ من ضلوعي نبت فيه ورقـه

انتهــى حظٍ شقـي وابتــدى حـظٍ سعيـــد
والله إنــي فــي وعـد غيثهــــا كلـي ثقـه

حبهــا في داخــل الجوف سلطانـه شديـد
ماتـرك عرقٍ من عروق قلبي ما اطرقه

عيب ما أضحّي لجل خاطرالحب الوحيد
ولـــيّ وجــهٍ من العيـــب مـا نَـزّ إعرقـه

واقفٍ لليـــــاس من وقـت ميقـاف العنيـد
بس أنـا واليـــاس من شانهــا خـذه وذقـه

قــــال تستسلــم وعيّيّـت أنفّـذ مـا يريــــد
كنّــي أطــــرم ماتكلـم وبسموعـي صقـه

قبـل تمطر قـرّب اليـاس يمسـك بالوريـد
فـي ســلاح الصبــر ماباقـيٍ غيـر فشقـه

وسلامتكم

صح لسان الشاعر الكبير
لافي الغيداني وسلمت اخوي عوض على الانتقاء الجزل لاهنت

الله الله
صح لسانه مدد بلا عدد
وصح بدنك وذوقك الرفيع ..
ننتظر منك كل ماهو جديد وكلنا ثقه
لك اجمل تحيه

ابوحمد
نواف بن هلال
شرفني وأسعدني مروركم العطر وإطرائكم الجميل
وتقبلوا خالص تحياتي وتقديري

عوض
بـآآقـة..مـن..أرق..ع ـبـآآرآت..الششكر
لهـذآآ..الع ـطـآآء..المتميـز..والأنتقـآ آء..الرآآقي
أنتـظر..ج ـديـدكـ
ودي

الطرف الخجول
شرفني وأسعدني مرورك العطر وإطرائك الجميل
وتقبلي خالص تحياتي وتقديري

صح لسان علم الشعر لافي الغيداني


وشكراً لك خي عوض على حسن الختيار

والاضافه