31-10-12, 11:37 PM
|
المشاركة رقم: 1 |
| المعلومات | | الكاتب: | | | اللقب: | عضو مؤسس وإداري سابق
| | الرتبة: | | | الصورة الرمزية | | | | البيانات | | التسجيل: | May 2007 | | العضوية: | 316 | | الاقامة: | بريده | | الجنس: | ذكر | | المواضيع: | 361 | | الردود: | 5482 | | جميع المشاركات: | 5,843 [+] | | بمعدل : | 0.91 يوميا | | تلقى » 26 اعجاب | | ارسل » 1 اعجاب | | اخر زياره : | [+] | | معدل التقييم: | | | نقاط التقييم: | 309 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  تعزية من القلب ......
بسم الله الرحمن الرحيم
ثاني ايام عيد الاضحى 1433هـ فجع اخي الحبيب / مفلح بن صلبي بن نامي هو وعائلته الكريمه بفقد ابنهم الغالي / سامي جراء حادث سير وقد قبلوا وقابلوا هذا المصاب الجلل بكل ايمان واحتساب وصبر فجزاهم الله خير الجزاء وعوضهم فيه بحفظ اخوته وصلاحهم ... وحيث انني لا املك الا الكلمات فقط ، اهديهم هذه الخلجات والعبرات الحرّى مشاركة لهم وتخفيف ....
الموت مندوبٍ حضوره امفاجاه=ومهمته مادونها يحول حامي
دايم معازيبه هم اوّل ضحاياه=ومع قوّ ضرباته ينال احترامي
والعبد صبره واحتسابه لمولاه=ولا ينفعه كثر الجزع والكلامي
والمسلم المومن يقينه ومبداه=نورٍ يبدّد حالكات الظلامي
ويالله تـثبـّت قلب مفلح وترعاه=بعيونك اللي دايمٍ ماتنامي
وتربط على قلب أمّ غالٍ فقدناه=وما تشتكي بالكبد برد وسلامي
وتنزل على بيته سكينه وتحماه=وتبدّل الغمّه بوبل الغمامي
مانملك الا قول ياالله ياالله=تعُـوْضهم وتحلّ يارب سامي
وتعوّضه زهرة شبابه بدنياه=بالعفو والاحسان عند الزحامي
وان راح سامي يبن عمي قفيناه=ماخلّد محمد شفيع الانامي
ياما فقدنا من حبيب وسليناه=يخفّف النسيان بعض الهيامي
وعسى عوضكم يوم سامي خسرناه=يحفظ لكم باق الحرار الحشامي
والحمد لله يوم علمٍ سمعناه=هوّن مصابٍ بالحشا له ضرامي
من غسّله يوم ابتدا به وسجـّاه=قال ابشروا ياهل الفقيد الكرامي
سبـّابته مرفوعةٍ وسط يمناه=متشهـّدٍ .. والوجه بدر التمامي
توفيق من ربٍّ جزالٍ عطاياه=وهذا دليل فيه حسن الختامي
وصلاة ربي عد مزنٍ نثر ماه=على النبي الهاشمي والسلامي
التعديل الأخير تم بواسطة خلف الفريد ; 01-11-12 الساعة 07:50 AM |
| |
العرض العادي
