ياناس خلو كل وادي مجراه !!

من القصايد الخالدة في تاريخ الشعر الشعبي للشاعر .... عبدالله بن سبيل

! !

!

ياالله يااللي تسجد الناس لرضاه=ياوامر ٍ خلقه على حج بيته
تفرج لمن سده على الناس ما ابداه=راضي على مقسومك اللي عطيته
من شي يسل الحال والجسم يبراه=والناس مايشفونه ان ما شفيته
قلت آه واجرحاه من علتي آه=وان حملوني حمل غي ٍ قويته
قالو سفا بالحال ويش اللي اغواه=قلت آه ويش المنكر اللي وطيته
قالو جهلت وبان علمك لمنهاه=قلت اه علمي ياملا ماكميته
قالو طلبنا لك من الله معافاه=قلت آه وحدته وعفوه رجيته
قالو هله واحباب عينه نصحناه=قلت آه هذا واردٍ مابغيته
قالو ندور لك من البيض حلياه=قلت آه لو غيره بكفي رميته
قالو نشاش العُود مالك بلاماه=قلت آه عُود الموز بيدي لويته
قالو تزوج كود تدله وتنساه=قلت آه لو خذت اربع ٍ مانسيته
قالو من اقصى الناس وين انت وياه=قلت آه ما انسى يوم جاني وجيته
قالو نشوفه عند هذا وهذاه=قلت آه عمره ماعقب حج بيته
قالو عليل وناقل ٍ داه برداه=قلت آه باقرابي وروحي فديته
قالو نشير ولا نفع ماحكيناه=قلت آه هراّج النمايم عصيته
قالو كثر شيبك وقلبك بعمياه=قلت آه لوقلبي غرير ٍ نهيته
مطاوع ٍ قلبي بعجفاه وقداه=والى عطى منهاج درب ٍ عطيته
ياناس خلو كل وادي ومجراه=قلتو كثير وقولكم ما لقيته

نقل مماراق .....وبرجاء أن تسمحوا لي ربما تكون القصيدة هنا مكرره دون علمي ، ولذلك اشكركم على متابعتكم ،،،، وتقبلوا تحياتي ،،،،،،

ابيات جزله

تدل على جزالة ذائقة ناقلها

لاهنت يالحكيم

تقبل وافر التقدير

قصيده جزله
صح لسان الشاعر عبدالله بن سبيل
وسلمت يا الحكيم على الانتقال الجزل لاهنت

اخواني الكرام / عبدالعزيز بن بن سعيد العبلان .

ابوحمــــــــــــــــــــ ـــــــــــــــــــــــــ ـــــــــــــــــــد .

أشكركم على التكرم في المتابعة وردكم الذي جعلني افتخر واعتز بكم وهذا من سمات الطيببن أمثالكم . بارك الله بكم ،،،،،، وتقبلوا تحياتي ،،،،،،

صح لسان الشاعر الكبير عبدالله بن سبيل

ولاهنت الحكيم على الطرح المميز

الحكيم
بـآآقـة..مـن..أرق..ع ـبـآآرآت..الششكر
لهـذآآ..الع ـطـآآء..المتميـز..والأنتقـآ آء..الرآآقي
أنتـظر..ج ـديـدكـ
ودي