قصيدة ابن شعيبان. ورد متعب العنزي

قصيدة الشاعر محمد بن شعيبان ورد الشاعر متعب العنزي
نبدا بقصيدة الشاعر ابن شعيبان

تعـد العـداوة نـوب مـن حسبـة المعـروفعـدوك ماهـو بحلـه رفيـقـك هــو البحـلـه

عـدوٍ يـوريـك الـعـداوة عـلـى المكـشـوفولا رفقـة اللـي قلبـه اســود وتنـصـح لــه

يريحـك مـن بغضـك بعينـه تشوفـه شـوفتخيـر عـن الصحـبـه قـبـل تقـلـع الرحـلـه

لكـن البـلا الـلـي علـتـه خافـيـه بالـجـوفعــدوٍ بطيـنـي وانــت بالخـيـر تجـنـح لــه

اكيـد الوفـا والطيـب ماهـو معـه مخلـوفمـدام ان عـدو الله مـع الـوقـت مرتحـلـه

لو انه على المكشوف وضعه ماهو مالوفمايخطـي عليـك ويعتـذر لـك وتـدمـح لــه

--------

رد الشاعر متعب العنزي

دعني ابيوتٍ ست من شاعرٍ معـروفلو يذكر لبن جـدلان معنـاه صحـح لـه

يشادن شذا النـوار فـي خايـعٍ نفنـوفبـروضٍ نبـي ننـصـاه ياربّـعـت كحـلـه

صحيح القصيد رماح يا بوحمد وسيوفيصد الجيـوش الغازيـه ياعتـزى زحلـه

لو انه زمان اليوم بين الرجا والخـوفنهاية مصيـره شـوف عينـك تلمّـح لـه

وشيٍّ تقوله عـم دار الحسـا والجـوفمرض منتشر قامت الناس تقـدح لـه

والشكر موصول للاخ منصور الوسوس الذي بعث لي القصيدتين برساله

الشاعرين

محمد بن حمد الفريدي ومتعب العنزي

مساجله رائعه وتحكي واقع نعيشه صح الله أسلنتكم

والف شكر ابوحمد على الاضافه

صح لسان الشاعر محمد ابن شعيبان

ومتعب العنزي

مساجله رائعه تألقو بأيصالها للمتلقي بشكل رائع

لاهنت يابن مطيع على النقل يعطيك العافيه

صح لسان ابوفهد والشاعر متعب العنزي شاعرين غنيين عن التعريف

شكراً مشعل المجالس على النقل الجميل .
تحياتي للجميع.

صح لسان الشاعر
محمد حمد بن شعيبان
عودنا دائماً على الجزاله وصح لسان
الشاعر متعب العنزي على الرد الوافي
والف شكر لك يابو صالح عودتنا دائماً على الاضافات الرائعه
والمتابعه المميزه لاهنت ياغالي

صح لسان ابو فهد
وصح لسان متعب العنزي
شاعرين متميزين وقافية صعبة
مساجلة رائعة فيها من التجربة والحكمة الشي الكثير
وشكرا ابو صالح على الاضافة الكريمه
لاهنت

نيابه عن جميع الشعراء
أشكركم على المرور الرائع
تحيااااااااااتي لكم جميعاُ

صح لسانابن شعيبان والعنزي على الرديه

وكل الشكر لك ابو صالح على هذا النقل الرائع

لاهنت وبارك الله فيك