يبقى الردى فـي عيـون النـاس متـردي

الــفــكــر شـــارد وانـــا ودي ولا ودي
والـعـمـر مـحـدود والانـفـاس محـسـوبـه


وأنـــا مــــن الـعـقــل مـتـعـشـي ومـتـغــدي
والـحـمــدلله أعـــــرف الــدهـــر ودروبـــــه

والله فــلا أطـمـع بـثــوب مـايـجـي قـــدي
يـوم أكثـر النـاس دايـم مسبـل ن ثـوبـه

وشلي على اللقمه اللي في طرف يدي
ما أقـدر عليهـا وهـي مـا هيـب مكتوبـه

كــم واحـــد يـحـسـب إن الـلــوم مـتـعـدي
والـلــوم غـآشـيـه مـــن راســـه لـعـرقـوبـه

نتـبـع ظــروف الـزمـن ونجـيـب ونـــودي
ونــقـــوم ونـطــيــح كـــــل دون مـاجــوبــه

مـا بيـن مــوج البـحـر والـجـزر والـمـدي
تبقى الثقة حاجـة فـي النفـس مطلوبـه

حتى لو إن الظروف تسيـر فـي ضـدي
لابـــد تـرجــع ظـــروف الـوقــت مغـلـوبـه

ورث ورثـتـه ورثــه أبـــوي عـــن جـــدي
ماهين نفسـي ورى اللـي ينفـخ أجنوبـه

أعــــز نـفـســي وأنــــا مـانـيــب مـنـحــدي
الأمــر لله وبـــاب الـــرزق مـــن صـوبــه

إخوان يوسـف مـن أصـل الأب والجـدي
خــــذوه مــــره وراحـــــو بـــــه ولا جــوبـــه

يبقى الردى فـي عيـون النـاس متـردي
متـوقـي فــي لـحــاف ن يـسـتـر عـيـوبـه

هـذا وانـا طـول عمـري مانكشـف سـدي
عالـي النـظـر والقـلـوب الـسـود مقلـوبـه

أسـايـر الـوقــت واثـــر الـوقــت مـتـحـدي
يـطـرح ويـجـرح ونــار الـمـوت مشـبـوبـه

لا..واعسـاهـا سحـابـة صـيــف وتـعــدي
الهـاجـس الـلـي يـلـوف القـلـب ويـلـوبـه

أمــوت وارحــل ودمـعـي مـاوطــى خـــدي
حـتــى لـــو الـــروح مسـلـوبـه ومنـهـوبـه


مما تصفحت وراااااق لي .....

ماراااااق لكي راق لي
صح لسان شاعرها ولابد من ذكر اسمه
وسلمتي على الاختيار الجزل تحياتي

صح لسان شاعرها
قصيده رااائعه
تعاند من يعاندها
لاهنتي على هذا النقل الراااائع
تقبلي تحياتي

اشكركم على مروركم الرائع لاهنتم

رائع ي الغلا تسلمين

سكر زياده صح لسان شاعرها وشكراً على الأختيار الموفق . تحياتي