وشلون اعدل سنام الثـور واكتافـه

يا كثر هرج العرب ياصعب تحليلـه=الا على من عرف معنـاه واهدافـه
وانا اعرف العلم لكن ما معي حيلـه=وشلون اعدل سنام الثـور واكتافـه
ليا جاك خبلاً يحـط العلـم ويشيلـه=وليا سمع شاعراً غنـى علـى قافـه
يصدقونـه ليـا سمعـو تهاويـلـه=وهوه كذوباً هيم والصدق مـا حافـه
وان سمع طاري العزيمه قال منهي له=وقام يتلفت وشال البشـت باطرافـه
ضاري على المهزله ويعيش بالحيله=لكن عند اللوازم عـاش مـن شافـه
ولو تنصحه قال يا دنيا من انتي لـه=متمرغاً في فـراش ابليـس ولحافـه
وابليس في مرقب الغاوين يومي لـه=ومشاركه كـل مرباعـه ومصيافـه
له في طريق الخطا تسعيـن تحويلـه=لو تاصفه كذبوك النـاس باوصافـه
ومن كان هذي سواته وش تسوي له=خله يغـرف البحـر كلـه بمغرافـه
لكن لا تسمع اخباره وتصغـي لـه=يجلس صنم وان ذلف عساه مذلافـه

الشاعر رشيد الزلامي

عوداً حميداً والف شكر على الاضافه

صح لسان الشاعر الزلامي

والف شكر ياخت تعاند على الاضافه

اختيار رائع ..

كل الشكر لك العضوة المميزة ( تعاند من يعاندها )

الاخت القديره تعاند من يعاندها
اولاً اقول الحمدلله على السلامه وعوداً حميداً
اختيار راااااااائع جداً وذائقه شعريه اروع اهنيك على هذا الاختيار
شكراً لك

يعطيك العافيه
على الاختيار الجزل

وصح لسان الشاعر

تحيتي لك

صح الله السان الشاعر وصح بدن الناقل