طريقة نقل جهات الاتصال من شريحتك القديمة الى الايفون بدون ايتونز

السلام عليكم

أسعد الله أوقاتكم بكل خير

حبيت اشاركم بموضوعي الأول بالقسم وبالمجالس

كثير منا أذا اشترى جهاز جديد يعاني كثير بنقل الاسماء من جهازه القديم إلى الجديد

وتبدأ المعاناة أذا كان الجهاز آيفون بطرح لكم طريقة اكتشفتها موخرا وكانت طريقة سهلة جدا وعمليه

بسم الله نبدأ

قررت ورحت أشتريت جهاز آيفون وأكيد بيقول لك البائعإان شريحة الآيفون شريحة مايكرو ولازم تقص الشريحة القديمة اللي معك وقصيتها

وركبتها بالايفون وللاسف جالس تكتب الاسماء اسم اسم

اذا كنت محتفظ بقائمة الاسماء على بطاقة sim على طول سوي هذي الطريقة

افتح الاعدادات

وبعدها افتح البريد جهات الاتصال التقويم

إنزل تحت دور على استيراد جهات الاتصال من بطاقة sim

وبكذا روح للهاتف وافتح جهات الاتصال تلاقي كل الاسماء اللي بجهازك القديم على جهازك الايفون....

ونفرض أن شريحتك جديده وما فيها ولا اسم

اشتري من أي محل للاتصالات وصلة شريحة المايكرو شكلها زي اللي بالصورة

وركبها وحطها بجهازك القديم وانقل جميع الاسماء الى بطاقة sim وبعدها ركب الشريحة بالايفون وسوي نفس الطريقة اللي فوق وراح تحفظ الاسماء بالآيفون ....

اتمنى اكون افدتكم بهذا الطريقة والموضوع من مجهودي الخاص وليس منقول وتحيتي لكم......طلال بن عايد بن ضواي

اخوي طلال
بيض الله وجهك على الشرح الوافي لاهنت

الله يسلمك اخوي ابو حمد لاهنت على الرد

اسمح لي ابدي اعجابي بقلمك وتميزك واسلوبك الراقي وتالقك

طريقة رائعة جداا

اشكرك اخي الكريم

موضوع يستحق التميز وخمس نجوم والتثبيت أيضاً

كل الشكر لك أخوي طلال ( فعلاً افدتنا وسوف تفيد الكثير من الاعضاء والزوار بهذا الموضوع )

جزاك الله خير .. ونتمنى الا تحرمنا من ابداعاتك

المشاركة الأصلية كتبت بواسطة فهد الطميشاء

موضوع يستحق التميز وخمس نجوم والتثبيت أيضاً

كل الشكر لك أخوي طلال ( فعلاً افدتنا وسوف تفيد الكثير من الاعضاء والزوار بهذا الموضوع )

جزاك الله خير .. ونتمنى الا تحرمنا من ابداعاتك

الشكر موصول لك وعلى ثقتك لاهنت