مساجلة بين الشاعرعبيد بن نهار ومبارك بن حديد

بــســم الله الــرحــمــن الــرحــيــم

الأخوة الاعزاء أعضاء وزوار مجالس الفردة
أهدي لكم هذه المساجلة بيني وبين الشاعر عبيد بن نهار بن مزرم
امل أن تحوز على رضاكم

اســنـد هــذه الـقـصــيــدة الشاعر/ عـبـيـد بن نـهـا ر بـن مـزرم
بتارخ 13/10/1433هـ

راكــــب اللي زاهيــن كـــل الكلايف=ابــــدعت نيــــسان بصـــناعة مديله
باتــــرول صالـــون قـــطاع الهفايف=ماصــــدرقبـلـه ولا بــــعـــده مثيـله
ابيض ٍ يـــشبـــه زبيـــدي الحتـــايف=منــأقـطع عنـــه المطــر تسعين ليله
كـنـه الحـــر الـقـطــامي لاتــهــا يف=لانــصرم مـن راس لحلوح الطويله
أوقـــذيـفـة أربي جـي مـن الـقـذا يف=اطــــلقت من كــــتـف رماين يشيله
ياصل اللي يــحتمــل كــل الكــلايف=يرتـــكي للحمـــــل لاثـــقل ويــشيله
الــرفـيـق اللــي ســواليفه طــــرايف=لــــه عليــه حق لابطأ أصل وأجيله
قدر حقـــه مـــرتفع فــوق النـــوايف=رافـــعــــه فعلــــه بيــــمناه الطويله
سيف يمناي الـصقيــل مـن الرهايف=لاشـــتعل مـــن زنـدها راس الفتيله
يا بـو ناصــرياذرا مـن جـاك خـيف=يارفـــــيع الــراس كـــســاب النفيله
لاتعـصــب كــل دعــوايــه خـفـايف=(غيــرخـــط ٍ مـن زمـيل ليا زميله)
مـثـل قول شريـــف اللـي قال طايف=عـــام ألاول بـيـنــــكم دايـــرجزيله
جازلي نـظـم الـقـصيـد من العسايف=وضـاع فكري مع هك القبأ الاصيله
ودي أصــفـهـا لـكـم بـس الـوصايف=تــيــتـضـيـع كل حـامـيـن الـدبـيـلـه
وأن بغيت اقول لك ويش أنت شايف=قـــبل احــقـــق غـايتي لازم وسيله
والنهــــــايه مـــاعلى الدنيـا حسايف=ولاعلــى مــن لاكسب فيها الجميله
ولك تحيات الـــوفاء بيــض ٍ عفايف=يابعـــد متـــن رد شــــوره للحـليله

الشاعر/ عبيد بن نهار بن مزرم





ردي عـلى قـصـيـدة الاخ الـشـاعـر/ عـبـيـد بن نـهـار بن مزرم الفريدي
التي مطلعها(راكب اللي زاهين كل الكلايف)

راكـــــب اللـي وارد ٍ مطلوب كايف=من مــديل الفيــــن وأثنــاعشرمــديله
وارد الفــكس أر بـــالأوصاف نايف=كامــــلا ً ومكمــــله سمعـــة وكـــيـله
من السفيــنه ساع نـزل بـالــرصايف=مـــغلف ٍ مــــن شـــركته مادار ويله
ابيـــض ٍ لـــونه مثــل لون الطخايف=العصـــيرونـــاشيـــن عقــــبه مخيله
لاخطـــملك وأعترض قدمك مسايف=تقـــل صــــاروخ ٍ مطـــورعن بديله
والمـــراتـــب كنــهن زل القـــطايف=والكشــــن مــن شـاف ديكوره يهيله
منــوت اللـــي مــع هـوا قلبه مهايف=مأشتـــــرالــــه قـــرمــن ٍ هو الدليله
صيـــرميـــن تقـل في وقت الحوايف=ماتـــهناء بـــــالمــــراح ولا مـقـيـله
من التجارب شايــف ٍ غبـن وكسايف=ودارس ٍ دور الـــزمن عـدلـه وميله
يلفـــي اللـــي مرسل ٍ جزل العسايف=مبــروزات مـــطرزات بـــزين قيله
شاعــــرٍ مـــــاياخذ أبيــــوته سلايف=مســتــقيـهــن مــن بحـر ماهو ثميله
موسمــــاتن كـلــــهن بيــض ٍ ولايف=وسمــهن متــميـــزن محـــد ٍ يـزيله
شاعــرٍبأســـمـه ورسمــه له طرايف=هـــو حــزامي هو سند راسي عديله
جـــعل يفدونـه كبيريـــن الــــهدايف=الضــعوف اللـــي مـجــاذبهم هزيله
مسنـــدي ياعـبـيــد مافيــها نـصايف=الصــراحه والوضوح افضل عقيله
وأنت دبلــجـت الكحيــله والـوصايف=ومــن مثل شرواك احس أبها ثقيله
وأن بغيت تقـول لي ويش أنت شايف=ماقـــفي ماقفــك با الرجل الـطويله
ولك تحــيـات الوفاء بيـض ٍ نضايـف=يابعـــد مـــن لاحســـب فعـله قبيله

مبارك بن ناصر بن حديد

صح السان الشاعر عبيد بن نهار وصح الله السانك ابو ناصر على القصيدة
مساجلة جميلة جداً بين شاعرين من اعلام الشعراء

تقبل مروري لكما
أشكرك ابو ناصر على الاضافة المشرفه هنا

صحت الالسن
شاعرين كبيرين عودونا على الجزاله
اسناد رائع جداً ورد وافي وكافي
الف شكر ابو صالح على الايراد الكبير لاهنت

الشاعر / عبيد نهار الفريدي و الشاعر / مبارك بن حديد الفريدي

مساجله تستحق الأشاده وصح الله أسنتكم

نعتبرها معايده منكم مجالس الفرده والف شكر على الاضافه

اباناصـــر تقبل أعجابي وتقديري وخمس نجوم

لاعدمناك وهلابكم بين ربعكم ونتشرف بجديدكم

سيف يمناي الصقيـل مـن الرهايـف
لاشتعل من زندها راس الفتيله
عبيد

شاعر"باسمه ورسمه له طرايف
هو حزامي هو سنـدراسـي عديلـه

مبارك
؟؟

؟
الاخوه
الاعزا شعارنا المخظرمين
مبارك الحديد وعبيد النهار
صح الله السنتكم ولاهنتم على قول الجواهر الطيبه
ومن عاداتكم الجزيل والجميل
تقبلو تحياتي

صحة الالسن على هالروائع

استمتعنا كثيرا بهذه المساجلة

مبدع يا أبو ناصر وحضورك دائماً مميز

الأخ أبو محمد / يابعد من رد شوره للحليله
ـــــــــــــــــــــــــ ـــــــــــــــــــــــــ ــــــــــــ
الأخ ابو ناصر / يابعد من لاحسب فعله قبيله
أسناد ورد في قمت الأبداع من شاعرين غنيان عن التعريف . سجلو اعجابي .تحياتي للجميع

مكررررررررررررر

صوت و صدى من شاعرين كبيرين يكفي عن قراءة دواوين شعريه ، هنا يكمن الاحساس المتفرد في تركيبة النص والصياغه الشعريه فلا عجب و هي من شاعرين اعلام يشار لهم بالبنان .

ابوناصر لاهنت على اتحافنا بـ هذه الدرر الجميله

صح لسانك شاعرنا الكبير مبارك بن حديد
وصح لسان الشاعر العلم عبيد بن نهار
ابا ناصر شكرا لك على هذه الاضافة الجميلة
والتي نتشرف بها كما نتشرف بتواجدك الذي نعتبره من اعظم واهم مكاسب المجالس
لك منا خالص التقدير